Rukwaro Romiposalemi 60
60
Tu ghamwene kwawan̂ore dhetu
1Kwamwimbithi: nodimbo dyomutemo “ghoDinhwa dyaKanonga” Mutanuro waDavita, ghokuthitambo thoyihonga, 2Munyima dhokuyuva yita yendi nawakaAramiyerisi, ho muMesopotamiye, ndani nawakaAramiyerisi ho muSoba, apa gha paghire Joghapu Hasodomite, mayovi dikumi nomawadi mudiyana dyoMungwa.
3Ha ningi kwendi eshi, ghuna tu yevura ghoNyambi,
no ghuna tu yakunutha, yipindhi‐yipindhi,
pamurandu ghokutupatera.
Ninge yi roghe karo kukwetu.
4Owe, ghuna kin̂itha ditunga no ghuna di tendi dipururu.
Wirukithe yitombo, yoyishi kuyifa tuna kutamba.
5Owe ghuna reta dihudhi kudiko dyoye,
no Yowe ghuna tu nwitha vinyu yu ghana kutuhutha kangaranyima.
6Yende pofotji nawapikoye mudirembe dyoye,
eshi ha kone kukeruka kughuta wawan̂ore wawo.
7Tu komonone nongcamu dhoye dhodhikuru no tu ghamwene,
kemo sho ha wane maghamweno, awa wa haka.
8Nyambi gha ghambire mumatungo ghendi ghokupongoka eshi:
“Ame mbo na yakunutha Sigemu yira mukakuwitha,
no kutapera mayana ghaSukoti!
9Giliyadi ne wange, naManase ne wange!
Efraghemu ne, matungo ghange ghokupiterera,
naJuda ne thiko thange thoghufumu.
10Mohapu ne kare gha rongama kuKwange,
Edomu ne na mana kuyora,
kwaWafilisiteya, kushogherera na kushogherera, yira no mukakuwitha.”
11Yidye mbo gha tu twara ku Edomu
kate ka tu kumitha kumbara dhendi dhongcamu?
12Owe ne, ghuna tu mwagha ghoNyambi,
no mbadi ghuna kuyenda pofotji,
nawakayita wetu ghoNyambi!
13GhoFumu, ngo tu ghamwene ne kwawan̂ore dhetu,
yoyishi maghamweno ghawo gha nyara‐nyara vene.
14Ngeshi kukara Nyambi netu, ngo mbo tuna witha,
no Aye thinda yo mbo gha thaghurura han̂ore dhetu.
Currently Selected:
Rukwaro Romiposalemi 60: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
