Rukwaro Romiposalemi 58
58
Pa kara Nyambi yu gha neghedha ghuhunga
1Kwamwimbithi: nodimbo eshi, “Mbadi wa kona kuwadhimitha po!” Mupisalemi waDavita. Mutanuro.
2Amwe mwa kara nomangcamu,
yipangura yenu ne ya ghuhunga ndi?
Manungero ghomandhango ghenu mukatji kawanu ne,
ha gha menya‐menyena ndi?
3Mbadi kemo, yirughanitha yenu ne ghufutu yidi muditunga,
amwe ne nonyinya, muna kutamba kumoyo dhawamweya.
4Hanu hohayi, ha yendaghura mundhira dhodhiyi,
kutunda kumushamurukero wawo,
pakukuma kwawo mukaye, po ha yongarire hakambango wa.
5Awo ha kara yira yiyoka yoghuhungu,
no yira noka dhokukufitha matwi,
6nawa hana kudhira kukudhekera kudiywi,
dyamukakupagha yiyoka,
ngambi ngepi di gha nya‐nyama.
7GhoNyambi, dhure mayegho ghomutunwa twawo!
Potaghure matayegho ghonyime dhi, ghoNyambi!
8No wa dhongonone po, yira meyu ghokupoposha,
no wa thaghurure, yira muhonyi ghokukukutera.
9Wa dhimithe po, ha kare yira mbambangiri dhi dhina kushwagha ghumo,
no ha kare yira yipamura yi yapira moyo.
10Wa dhimithe po, kughutho ghokuyidimuka wo, yira ghurugha,
rawere dingundunga di wa pepumune,
ha tunde muruvigha royipara yawo.
11Hahunga mbo hana shamberera,
pakumona yinyanda yawo,
pakumona manyinga, agha ghana kundendeshera kumapadhi
ghawo.
12Hanu mbo hana ningi eshi:
“Nane ko dhidi ndjambi kwawahunga,
no ko ghadi shemwa Nyambi,
oyu ghana kuneghedha ghuhunga pakaye.”
Currently Selected:
Rukwaro Romiposalemi 58: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
