Rukwaro Romiposalemi 54
54
Nyambi ne yomukungi ghomoyo wange
1Kwamwimbithi: noyikitare. Mutanuro waDavita, 2munyima dhokuyuva yinu yi, eshi muSifite ngeya no kutongwera Saghulu eshi: Davita ne kwomba ghana kutwomba.
3Ha ningi kwendi eshi,
ni ghamwene nongcamu dhoye ghoNyambi,
ni neghedhe ghuhunga ghoye pangcamu dhoye.
4Yuve ndapero dhange, ghoNyambi,
no tegherere kuman̂ando ghange,
5yoyishi han̂ore dhange ne ha‐na niman̂anyena,
hakore ne moyo wange ha‐na kushana,
no mbadi ha kuthotera naNyambi.
6Ene me, gha ni ghamwena Nyambi roruhe,
naFumu gha kunga moyo wange.
7Ninge kunyanda ku ha ni ghayarera
hakakuniman̂anyena kuhuke kukwawo.
Owe ne yowe makurupero: Ngo wa dhongonone po.
8Munyima po mbo ni reta muyambo kuKoye,
kupiterera ghu wa hima,
ghoFumu, mbo na kughu Dina dyoye,
yoyishi ghomuhunga We.
9Owe wa ni ghamwena mumaghukukutu ghomahe,
no wa ni withera han̂ore dhange pakuniyuverera.
Currently Selected:
Rukwaro Romiposalemi 54: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
