Rukwaro Romiposalemi 53
53
Mbadiko yu ghokutenda ghuhunga
1Kwamwimbithi: kashigho. Mutanuro waDavita.
2Muthuta gha ghayara eshi mbadiko Nyambi.
Hanu hohathuta, ha dhongonona yinu yoyihe,
eyi hana kutenda ne yiyi kwaNyambi.
No mbadipo ghopapawo yu ghana kutenda ghuhunga.
3Nyambi, gha rondonona hanu kutunderera kudiwiru,
gha mone eshi, ngwa poghadi ghomaghano,
oyu ghana kwipura mahimeno ghaNyambi.
4Waheya ne ha yongara,
mukahura ne gheperera vene,
mbadiko yu ghokutenda ghuhunga,
karo noyofotji temba.
5Oyu ghokutenda ghuyi,
nawa hana kudya diko dyange, yira yidya yawo,
nawa ha shwena kukarera Nyambi —
mbadi hana kuyidimuka
6eshi, mbo thina wa hokokera thinu thothikukutu,
thothikukutu kupiterera pakutanga ndi?
Nyambi, mbo ghana hayaghura maghuru ghawa
heman̂anyena diko dyendi,
mumarwero ghawo.
7Mawe, ninge eshi maghamweno ghomuSiyoni, gheye kwa Waisragheli!
Apa mbo gha pirura Nyambi diko dyendi,
mbo ghana shogherera Jakopu,
naIsragheli, mbo ghana shamberera.
Currently Selected:
Rukwaro Romiposalemi 53: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
