Rukwaro Romiposalemi 52
52
Nyambi ne muhunga thikuma
1Kwamwimbithi. Mutanuro waDavita, 2munyima dhokuyuva yinu yi eshi, muEdomite Doghegi, ngeya no ka mu tongwera Saghulu eshi: Davita ne mundhugho dhaAgimelegi ghadi.
3Ha ningi eshi, owe wa kutenda ghukuru,
ghothinda ghuna kukusherera vene yoyitenda yoye yoyimango!
Ghu koneke, Nyambi ne roruheya ghana kunighamwena me.
4Owe, ghuna himi kushatana ghumweya eshi gha fe,
norudimi roye roruhungu ghuna kughambitha yombango.
5Karo we, wa haka ghuyi kupiterera ghuhunga,
no wa haka mbango kupiterera ghushemwa.
6Yoyishi ghuna haka shemwa kukuna didhongera nombango dhoye.
7Ene Nyambi, mbo ghana kudhongonona kuroruhe.
Mbo ghana kukoko no kukushwaghitha mumatungo ghoye,
no mbo ghana kukoka‐koka gha kushwaghithe muditunga dyawayumi.
8Ngeshi mbo ha yi mone hahunga yi,
mbana yara nofuma
no mbo hana kusherera ghuninga eshi:
9“Oyu ne yomurume,
oyu gha shwenine kutanarera pangcamu dhaNyambi
ene paghushwi wendi vene gha kuruperire,
no gha himine kukutanaritha thinda paghumu wendi.”
10Ene me, na tanara yira thitondo mwene thoghuywe,
no mundhugho dhaNyambi na kara,
gho na tanarera po roruheya eshi,
mbo ghana ni ghamwena.
11Ame mbo na kushogherera roruhe ko yi wa ni tenderire.
No mbo na kughu Dina dyoye kughutho wawapikoye,
yoyishi Owe ne ghomuhunga thikuma.
Currently Selected:
Rukwaro Romiposalemi 52: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
