Rukwaro Romiposalemi 51
51
Na kanderera dhimithe mirandu dhange
1Kwamwimbithi. Mupisalemi waDavita, kutunda payinu yi gha yu‐vire 2eshi muporofeta Natani gheyire kukwendi na gha mu koghaghure yorungu rwendi naBatseba.
3Gha ningire eshi, ghu ni fere n̂eke Nyambi,
popaghukuru
ghoghunongo ghoye,
dhimithe mirandu dhange muthin̂eke thoye thothikuru!
4Ghu ni kushukithe kumaharwero,
gho ghu yoghe ghuyi wange!
5Kemo, na dimuka mirandu dhange
no na kundhundha roruheya maharwero ghange.
6Ku koye keho na harura,
gho na tendi ghuyi mumeho ghoye.
Yighamba yoye ne yishemwa
no yipangura yoye ne yihunga.
7Mu ghuyi na pwire kushamuruka,
nomudiharwero gha ni tamburire nawe.
8Ene We, wa taterera, ghuhunga mughudhungi ghomutjima wamunu:
ninge ni dimuke mwimi dhange
eshi ngepi di wa hima We edi sho ni pare.
9Tundithe ne maharwero ghange, ni kone kupara mughukushuki.
10Ninge ghu ni shambererithe karo no ghu ni nyanyukithe.
Yowe wa ni mangopithire, ni yumbaghukithe karo.
11Wa kenga ne kumaharwero ghange,
ene dhimithe mirandu dhange dhodhihe!
12Nipe mutjima ghoghukushuki ghoNyambi,
tendurure mudhimu wange no ghu ni tanarithe.
13Wa ni thindeka kughutho ghoye,
no wa ni tunditha Mupepo ghoye ghoKupongoka!
14Ni wanithe karo yishamberera,
yoyu gha shutukire paPoye,
ho ninge ni kukarere karo nomakutapero ghokuKoye.
15Ndani po ni honga hayiharuri,
eyi wa taterera We kwamunu,
eshi hakamaharwero, mbo ha piruke kuKoye.
16Ni ghamwene mukufa,
ghoNyambi ghoMughamweni wange,
eshi mbo ni kone kuyumbaghuka,
kuyitenda Yoye yomakomweneno.
17GhoFumu, nipe man̂ando
ghokuyuvitha fuma dhoye.
18Muyambo ne mbadi wa wipura,
ngo kare na ghu reta,
muyambo ghokukon̂erera, mbadi wa ghu haka.
19Muyambo ghu wa haka ghoNyambi ne,
ghomakufupipithero:
Owe mbadi wa shwena mutjima ghokukumbirupitha,
no mbadi wa shwena makwerero, ghoNyambi.
20Ninge gha wane Siyoni,
ruhakitho roye no ghunongo
ghoye:
no tendurure ne karo mambadi ghombara dhaJerusalema.
21Ndani miyambo dhi dha kara po,
mbo ghuna dhi menya‐menyena:
miyambo dhoyiyama dhokupwa kukon̂erera.
Munyima, mbo hana yamba karo miyambo
dhomandwedho pathinyaku thoye.
Currently Selected:
Rukwaro Romiposalemi 51: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
