Rukwaro Romiposalemi 48
48
Mbara dhaFumu shokuru
1DimboMupisalemi wamukaKoragite.
2Fumu ne mukuru, kukwendi difumanekero dyodihe,
mumbara dhaNyambi wetu,
pano padirundu dyendi dyokupongoka,
3mudingurungoma dishaghuwa,
mo ya kara yishamberera yokaye kokahe,
mudirundu dyaSiyoni edi dya kara kumbunda,
dhombara dhaFumu Shokuru.
4Mumarombe ghendi gha ghapwa kuyenga,
mo gha kuhokora Nyambi yira mukungi.
5Hafumu ha konganine pofotji
no ha kunungire yira mungcamu dhofotji,
6mbara dhi ha dhi monine rupu,
ngwa kuyapa ha yapire,
ko kupa ko dikothi ha tjire.
7Apa wa wa wanine woma ghoghukuru thikuma,
tjitju dhawo ne yira kunyatitha kwambuyama yu
ghana kushamuruka mwana mukaye,
8woma wa karire thika di wa payaghurire We yikepa
yoMutarsusi nomupepo ghokudiva.
9Natwe twathinda twa yi tawire apa twa yi yuvire,
momuno mumbara dhaFumu ghoMukangcamu dhodhihe,
muno mumbara dhaNyambi wetu,
mbara dhi gha tanaritha kuroruheya.
10GhoNyambi, muno mutembeli ghoye mo
tuna kuvuruka makuruperitho ghoye.
11Thika Dina dyoye ghoNyambi,
kemo dha tapathana fuma dhoye pamuve ghoghuhe.
Ngcamu dhoye, maghamweno ghomakuru dha reta.
12Di shamberere dirundu dyaSiyoni,
mambara ghaJuda, gha shogherere kuyitenda yomaghamweno Ghoye!
13Mu mu dhingumwetwedhe Siyoni no mu mu tambe,
ho mu tare mishoke dhendi,
14mu thetuke di ha tenda mbadi dhendi,
gho mu kengurure di ha mu tanaritha Siyoni,
mbo mu kone kuthimwetwedha kwawanahoka eshi!
15Nyambi yu, yoNyambi wetu kuroruheya
no mbo ghana tu yenditha roruheya.
Currently Selected:
Rukwaro Romiposalemi 48: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
