Rukwaro Romiposalemi 47
47
Nyambi ne peghuru dhawahe
1Kwamwimbithi. WawakaKoragite. Mupisalemi.
2Mu kanderere nyara dhenu mwamako mwahe,
mu shoghererere kudikuto dyaNyambi nomaywi ghoyishamberera.
3Yosyishi kwaFumu ghoMukakupiterera ko dyeya difumanekero.
4Aye ne yoFumu shokuru ghokaye kokahe:
Yo gha tawedha mako ghomahe kukwetu
no gha kagheka marudhi kukwetu;
5gha mana kututorwera yiyora yetu,
eshi ditunga dishaghuwa dyaJakopu edi gha haka.
6Nyambi gha yende muyishamberera,
Fumu gha yende ghumushikera mapori.
7Mu kughe Nyambi, mu mu kughe nomipisalemi,
mu mu kughe Fumu wetu, mu mu kughe nomipisalemi!
8Nyambi ne Fumu ghokaye kokahe,
mumwimbere dimbo.
9Nyambi ne fumu ghomarudhi,
no gha kara padipuna dyendi dyokupongoka.
10Hakamutango ghokehe diko, mbana pu
kupakerera nodiko dyaNyambi waAbrahamu.
Oyu gha kara nongcamu pamuve, gha fumana kwaFumu.
Aye ne gha piterera waheya.
Currently Selected:
Rukwaro Romiposalemi 47: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
