Rukwaro Romiposalemi 46
46
Nyambi ne matjirero ghetu
1Kwamwimbithi. GhomukaKoragite.
Kumutanuro “waMushengeteya.” Dimbo.
2Nyambi ne matjirero ghetu no mukungi.
Gha kwindukire roruheya mukughamwena muyinyanda.
3Yodigho mbadi twa kona kuyapa,
ngambi ha ka tapa kaye ndhira,
no marundu ha gha henyena pakahandha kodikuruviya,
4ngambi ha gha tughuma nodikangafudhi meyu ghodikuruviya,
endi gha dikite marundu nomughuma wagho.
5Patupupo toparware pa kara, yishamberera mumbara dhaNyambi
no mumatungo ghokupongoka ghaMukakupiterera.
6Mbara mbadi mbo dhi kin̂a‐kin̂a, yoyishi poghadi Nyambi.
Nyambi mbo ghana mu ghamwena,
oku no kuva temba diyuwa.
7Marudhi ne gha yoghotere vene,
ngeshi pa mbo gha yuvitha Nyambi diywi dyendi,
mbo ghuna tutuma ghufumu ghoghuhe,
no kaye mbo kana dhongonoka tarara.
8Fumu ghoMukangcamu dhodhihe netu gha kara,
naNyambi waJakopu ne yomukungi wetu.
9Mwiye na mu mone eyi gha tenda Nyambi,
yitetukitha munye gha tendire Ye pamuve.
10Aye gha huritha yita yokaye kokahe,
no; gha tjoraghurire mata ghomangcunu no man̂odhi
no kutumekera makoroyi ghoyita nomudiro.
11Yi tunde po no mu dimuke eshi Yame Nyambi,
yu gha piterera marudhi nomuve.
12Fumu ghoMukangcamu dhodhihe netu gha kara,
Nyambi waJakopu, yomukakutukunga.
Currently Selected:
Rukwaro Romiposalemi 46: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
