Rukwaro Romiposalemi 4
4
Ndapero dhorunguro
1Kwamwimbithi: noyikitara. Mupisalemi waDavita.
2GhoNyambi, owe wa ni tendera yoyiwa,
ngeshi kukoye na kukugherera, ni huthe.
Apa ya ni puperire,
wa yi ni yaghayetherire.
Ni fere n̂eke karo pan̂anyi‐n̂anyi
no yuve ndapero dhange!
3Amwe mwanu,
kate kupi dha kushwahuka fuma dhange,
mwa haka yikara yoyiyi
no kutorora hakambango ndi?
4Mu dimuke eshi, Fumu ne yitetukitho gha tendire,
kwawa ha mu tjimapire.
Name ngeshi ha ni kugherera kwaFumu,
ghana kuniyuva.
5Ngeshi ku ghuna tutukwa, wa harura.
Yi ndhundhe muthipore no kuyithigha!
6Mu rete ne miyambo
edhi ha mu tjangerire,
no mu kurupere paFumu.
7Hengi hana kuninga eshi:
“Yidye mbo gha tu paka karo mughuwa?
GhoFumu, mawe tu yadhime karo
maghamweno ghoye ghomawa.”
8Yowe wa ni pire pakare yishamberera yoyikuru,
kupiterera yokwawanu,
wa ha kara nokamwagha‐mwaghe koyidya noyinwa.
9Apa no ne, kurara na karara mukupira maghamweno
ho ni ka porokere muturo,
ghoFumu, yoyishi pithoye ghokunitungeka mundjewa‐njewa.
Currently Selected:
Rukwaro Romiposalemi 4: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
