Rukwaro Romiposalemi 3
3
Ndapero dhomathiku‐thiku
1Mupisalemi waDavita, apa gha yapire mwanendi Absalomu.
2GhoFumu, han̂ore dhange ne hengi thikuma!
Hengi hana kuniman̂anyena.
3Wingi wawo kuna kunitongwera eshi:
“Mbadiko maghamweno ghendi gha sho gha tunde kwaNyambi!”
4Ene, We Hekudyange,
ghu ni kunge kumitara dhodhihe.
Ni huthere karo fuma dhange no ghu dhi vurithe.
5Oku na kukugherera kwaFumu,
ghana kunipa mahuthero kudirundu dyendi dyokupongoka.
6Pakuyenda ni karare, na karara thiwana vene,
no na kupinduka karo,
yoyishi, Fumu ne yo ghana kunirera.
7Mbadi na kuyapa kwawanu mathere dikumi,
awa hana kunimbandukera kumitara dhodhihe.
8GhoFumu, ngo wiye ne,
ni ghamwene, Nyambi wange!
Mangcamu ghawan̂ore dhange,
yowe wa gha hayaghurire roruhe
no yowe wa dhongononine mambandukero ghawayi.
9KwaFumu, ko gha tunda maghamweno keho.
Ninge yi kare yoyiwa kudiko dyoye ghoFumu.
Currently Selected:
Rukwaro Romiposalemi 3: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
