Rukwaro Romiposalemi 38
38
Maharwero ghange ghana kunitokotitha
1Mupisalemi waDavita. Makuvurukithero.
2Hekudyange, wa ni humbitha mughughandhi ghoye,
no wa nipetha kudishamu dyoye.
3Masho ghoye ne ghana ni wana,
nyara dhoye dhina ni remwena.
4Paghughandhi ghoye, mbadimo ndjewa‐ndjewa muyirama yange,
no mbadiko thipo thi thina piri tjitju.
5Shemwa ghuyi wange ne ghuna vuru,
yira mupango ghu ghuna kunirema.
6Yitombo yange yina tughumana no ghufutu
yoyiheya yi ne, paghupata wange.
7Na kufuteka no na kukokera,
diyuwa dyodihe, muyitokota na kuyendaghura,
8yoyishi yirama yange ne yina pyaghana,
no mbadiko thipo thothiyumi muyirama yange.
9Na kasha no na hoghoroka,
mutjima kurwa ghuna kurwa,
ame ne kworera na kworera kutjitju.
10Hekudyange, wa dimuka yi na kutokotera,
yikuhema yange ne kadi ya ghudhindo kuKoye.
11Mutjima wange ghuna yumbuka,
ngcamu ne dhina kuthighi.
12Yikorwa yange, yina shingi hange nawaye‐ndhange,
hakamaparaghumbo, mbadi hana kunihenyena.
13Awa hana kushana moyo wange,
ha ni tegha kayeye,
nawa hana kutjakuka po eshi ha ni patere,
ha mana kunimanenena,
no ha ni ghayarera diyuwa dyodihe murandu ghonyara‐nyara.
14Ene me, na kukupurupitha, no kuyuva temba,
no na kukumuma‐muma no kuyandhurura temba kanwa.
15Na kara yira nothipuru‐puru
no ghokupira thi gha hutha.
16GhoFumu, kuKoye na kutaterera,
Hekudyange no Nyambi wange, Yowe mbo hutha.
17Eyi na kukumbera ne yino:
Mbadi ha kona kushamberera papange,
no kukununeka oku na kupundaghuka.
18Yoyishi tamba ni pundadhoke,
mbadi na kupira yikorwa me.
19Ghuyi wange na kutongonona,
yoyishi ghana ni tokotitha maharwero ghange.
20Awa ha ni dhimba ne,
ngcamu thikuma mumoyo wawo
no hengi wa ha ni shwena nothinu,
21awo ha ni huthera ghuwa kughuyi,
no ha nimananyena, yoyishi na kutha ghuhunga.
22Hekudyange, wa ni mwagherera,
wa ni yakunuka ghoNyambi wange!
23Ni ghamwene wangu,
ghoHekudyange nomughamweni wange!
Currently Selected:
Rukwaro Romiposalemi 38: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
