Rukwaro Romiposalemi 36
36
Ngepi ghukuru ghomakurupero ghoye ghoNyambi
1Kwamwimbithi. WaDavita, ghomupika Fumu.
2Awa ha shwena Nyambi, mitjima dhawo ne
dha mwiman̂anyena Nyambi yu gha kara non̂ando dhoghuhura.
Gha pira woma kwaNyambi ye.
3Aye ne kughamba yoyiwa kukwendi thinda,
payinu yi, po gha pateranga roruhe
no kutenda thidhimbo.
4Ngeshi ku ghana kughamba munu yu,
shimengwa mvo no ghuyi keho,
kutenda ghuwa no kukara nomaghano,
kukwendi ne mbadiko.
5Ngambi ku ghana karara, yindhundha ne ghupata vene,
munu yu, gha kara mundhira dhishihungama,
yoyimango, mbadi ghana kuyimwagha.
6Ruhakitho roye ghoFumu ne kate mudiwiru,
makurupero ghoye, kate mumavuyi,
7ghuhunga ghoye, kate padirundu dyodire,
no ghuhunga ghu ghuna kughamba,
kate mukaremo kodikuruviya.
Owe wa korera munu no thiyama.
8GhoNyambi, ngepi ghukuru ghomakurupero ghoye!
Hanu wa hana kunda kuKoye, ghuna kuwakunga.
9Mundhugho dhoye,
no hana kuvighara kamwagha‐mwaghe,
no ghuna kuwanwitha mutupupo toghuhunga ghoye.
10Yowe divetu‐vetu dyomoyo,
tu pe ne moyo ghu.
11Ruhakitho roye, ru kare pawa ha kudimuka,
makurupero ne pawahunga.
12Wa ni thigherera kumapadhi, ghawa
hana kukughayarera ghuhunga hathinda,
nawayi, mbadi ha kona kunitjidha muno!
13Myature wa hana kutenda ghuyi roruhe no
ha werere mo,
no mbadi ha kona kupinduka karo.
Currently Selected:
Rukwaro Romiposalemi 36: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
