Rukwaro Romiposalemi 33
33
Fumu ne mukakukorera
1Mwahunga, mu shamberere mwaFumu,
namwe mwahungami,
mu mwimbere dimbo dyodifumanekero!
2Mu mu fumaneke noyikitara Fumu,
mu mu shikere payihumba.
3Mu mwimbere dimbo dyodipya,
no mu mu pepere noghukutapa ghoghuhe,
gho mu yishamberere!
4Yoyishi, yina kuhokoka yi ghana kuninga Fumu,
no yoyihe yi ghana kutenda ne, ya tanara.
5Aye ne gha haka ghuhunga no ghuwa,
yidimukitho yaFumu yomakurupero ghoruhakitho
rwendi, ya yara kaye kokahe.
6Fumu, gha tendire diwiru noman̂ando ghendi
no yoyihe yopadiwi ru,
pamarawero ghendi ya kara po.
7Meyu ghomudikuruviya, gha gha pundekire mu ndama,
no mashandjiva gha gha ghongerire mudyango dyofotji.
8Kaye kokahe, ka yape Fumu,
no hakapamuve wahe, ha kutekere Fumu.
9Yoyishi gha ghambire, ho ya karire kemo,
gha raghurire, nayo ha yi karo po.
10Maghano ghomarudhi ghomarudhi ghomahe,
gha gha kutununa Fumu,
no yikuyuva yawo kukwendi ne
ya nyara‐nyara.
11Ene, maghano ghaFumu, gha tanara mumayuwa ghomahe,
no yi gha nunga,
ya kara po kutunda kwawanahoka,
kate kwawanahoka.
12Ya rogha kwawanu wa ha kara eshi,
Nyambi ne Fumu wawo.
No diko di gha torora eshi, dyendi.
13Kutunderera mudiwiru,
Fumu ne kumona hanu wahe.
14Mudyango di gha kara eshi Fumu,
kumona Ye, waheya wa ha tunga pamuve.
15Aye ne yo gha tendire maghano ghawo,
no yo gha monenena yirughana yawo yoyihe.
16Yodigho, kadi wa kughayara eshi fumu vene
kuwitha pawingi wawakayita,
endi ndwarume, ha shwagha ndjewa‐ndjewa,
eshi pamurandu ghongcamu.
17No kadi ghushemwa eshi, mawithero ne
ghapambi ghana tundu,
ho gha neya maghamweno pangcamu dhendi dhishokuru.
18Oyu ne Hekudyetu, yo gha kunga waheya hakakumukarera,
nawa ha kurupera ngcamu dhendi.
19Yo ghokuwaghamwena kuyifa,
no kukunga moyo dhawo kudiyerenge.
20Tu kurupere paFumu:
Mbo ghana tu ghamwena no kutukunga.
21Ghuhunga, mitjima dhetu ne muMwendi dha shamberera,
gho twa kurupera paDina dyendi.
22GhoFumu, kare nongcamu dhoye ghomughamweni wetu,
yoyishi, mumoye twa paka makurupero ghetu.
Currently Selected:
Rukwaro Romiposalemi 33: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
