Rukwaro Romiposalemi 32
32
Yowe wa ni thigherera murandu wange
1Mutanuro waDavita.
Ya rogha kwamunu,
oyu ha dhira kuhumbitha kughuyi wendi,
noyu ha thigherera maharwero ghendi.
2Ya rogha thikuma kwamunu,
oyu ghana kudhira kuthotera Nyambi,
kuyiharura yendi no kupira ghumbango kumudhimu wendi.
3Apa na dhindire maharwero ghange,
yan̂ine yirama yange, yira ku na kugherera
maghamweno diyuwa dyodihe.
4Nyara dhoye ne, dha twama kunidiva mutenya no ghuthiku,
ngcamu dhange dhan kukutera, yira thihina thothiyu kumutenya.
5Gho na tongononine maharwero ghange,
no mbadi na dhindire yi na harura.
Na ningire eshi:
“Na kutongonona ghuyi wange kwaFumu!”
Nowe wa ni thighererire.
6Nane, yo gharapereranga kehe mukakutawa
kuKoye munako dhoyinyanda,
ngambi divavure, mbadi dya kona kumumbandukera.
7Yowe mondo ghange,
ghuna kunighamwena koyokunitjavukera,
no ghuna kunimbitha membo ghomawithero.
8Apa no na shana kukuhonga,
no kukudimukitha ndhira dhi sho kuthe.
Na himi kukupa dighano no kukambeka diho dyange paPoye.
9Wa pira maghano, yira mbi no thimoghure,
ethi ghana kukureka munu tumu mukanwa,
no kuthiparanya thi ka yende.
10Awa ha shwena Nyambi ne, ha tokota thikuma ene yu
gha kurupere Nyambi,
ghana kumufika noruhakitho rwendi.
11Mu shamberere mwaFumu no mu shogherere,
mu yumbaghuke mwahunga no mwahungami.
Currently Selected:
Rukwaro Romiposalemi 32: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
