Rukwaro Romiposalemi 30
30
Mbo na kufumaneka kuroruhe
1Mupisalemi. Dimbo dyomapongwero ghotembeli waDavita.
2Na haka kuyuvitha fuma dhoye ghoFumu,
yoyishi yowe wa ni ghamwena
no mbadi wa shambereritha han̂ore dhange papange.
3Hekudyange no Nyambi wange,
kukoye na kughererire maghamweno,
Owe ne wa nirukithire.
4GhoFumu, yowe wa ni yokorire kwawakamwishi,
ho wa ni hutherire moyo wange,
apa na tambire kukufa.
5Amwe mwa karera Fumu ghutjimapa,
mwimbere dikuto dyendi,
no mu fumaneke Dina dyendi dyokupongoka!
6Ghughandhi wendi, shemwa wa kapupi kamanana,
ene ghuhunga wendi, wa kuroruheya.
Peghundha parunguro, nomahodhi nga ni kara
pamathiku‐thiku ne, kuheka na kuheka‐heka karo.
7Apa ya roghire yoyihe na ningire eshi:
“Mbadiko thi mbo thi ni pundaghukitha me.”
8GhoFumu, paghuhunga ghoye,
wa nimekire padirundu dyokupira magima.
Ene pa wa yakunukire kukwange,
na yapire thikuma.
9Gho na kughererire kukoye ghoFumu,
no na kuhemine kun̂eke dhoye eshi:
10“Nye sho yi tundepo pakushinyiha kwange,
ngeshi ni yende mumbira?
Rukungu ne kukona kukukugha ndi?
Endi kukona kuyuvitha ghuhunga ghoye?
11GhoFumu, tegherere no ni fere n̂eke!
Ni ghamwene ghoFumu!”
12“Muthidiro na karire,
ene wa ni kinithire muyishamberera.
Wa ni shupurire yivata yange yothidiro,
no wa ni shupekire yivata yodifeste.
13Yodigho mbo nembera dikuto dyoye,
no mbadi mbo ni porera.
Hekudyange no Nyambi wange, mbo na
kufumaneka kuroruheya!”
Currently Selected:
Rukwaro Romiposalemi 30: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
