Rukwaro Romiposalemi 29
29
Diywi dyaFumu ne ngcamu
1Mupisalemi waDavita.
Mu mu kughe Fumu, mwamawiru!
Mu mu kughe Fumu yongcamu dhendi
no dikuto dyendi!
2Mu mu kughe Fumu, kudikuto dyoDina dyendi!
Mu fumbamene kughutho waFumu, pamuhokokero ghokupongoka!
3Karungu‐rungu kodiywi dyaFumu ne,
parware kana kushwagherera.
Oyu ne Nyambi ghomukangcamu, yo ghana kudikititha mupepo,
Fumu thinda yo ghana kara pameyu ghashokuru!
4Diywi dyaFumu ne dyangcamu,
no dya yara ghufumu.
5Diywi dyaFumu ne kuna kupayura,
mighuwa dhaLibanoni.
6Aye kuna kushambitha mara waLibanoni,
yira ngembe no ghoMusiriyoni,
yira fumboghana.
7Diywi dyaFumu, kuna kwanduka yira mushoro.
8Diywi dyaFumu dina kututukwitha digcu,
Fumu ghana tutukwitha digcu dyaKadesa.
9Diywi dyaFumu, dina kututukwitha mupara kuwoma,
yoyishi ghuna perura muthitu.
Mumarombe ghendi hana kuyoghomoka waheya eshi: “Yina vuru!”
10Fumu ne, pamashandjiva gha hungumana,
yira Fumu gha hungumana po roruhe.
11Diko dyendi gha di pa ngcamu Fumu,
no gha kandadheka diko dyendi no kamwaghamwaghe.
Currently Selected:
Rukwaro Romiposalemi 29: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
