Rukwaro Romiposalemi 2
2
Ngcamu dhamuwethi waNyambi
1Nye ghuna kukarera mushushu mumako,
no kununga maghano marudhi munyara‐nyara?
2Hafumu hopamuve, mumeman̂anyeno hadi.
Hakamiti, hana kunungu pofotji
mu kwiman̂anyena Fumu,
namuwethi wendi no ghuninga eshi:
3“Mwiye tu kushuture
no tu kambure djoko dhawo papetu!”
4Ene yu gha tunga mudiwiru, kuna kuwaheka,
naShokuru pakuwasherera.
5Munyima ko kuwaghambera nonyinya
no kuwatjidha noghupata eshi:
6“Yame na mu wethire yira Fumu wange,
padirundu dyange dyokupongoka dyaSiyoni.”
7Na himi kuthimwetwedha yi gha yuvithire Fumu.
Gha ningire kukwange eshi:
“Yowe mwanange,
dyarero na kara no Wiho.
8Ni kumbere, name na kukupa mako,
yira thiyora thoye
no hakakaye wahe, yira ghugavo ghoye.
9Mbo ghuna wa hoghorora no kakuvoghana
no kuwathaghurura yira ghudho.”
10MwaFumu, mu kare ne pashadyarero nomaghano.
Namwe mwapanguri hopamuve, mu koneke ne!
11Mu mu karere Fumu nowoma,
no mu mu shogherere noyishika,
12ho mu mu ghovamene,
eshi gha dhire kupata,
namwe mu dhire kufa mundhira.
Yoyishi ghughandhi wendi ne, kutumbuka wangu.
Ya rogha thikuma kwawahe,
awa hana kushana mondo kukwendi.
Currently Selected:
Rukwaro Romiposalemi 2: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
