Rukwaro Romiposalemi 28
28
Kwa Fumu ko dya tamba difumanekero
1WaDavita.
Kukoye na kukugherera ghoFumu, no diwe dyange.
Wa kufitha matwi, kukwange.
Ngeshi ngo kare pore, ngo ni kare yira no mufu.
2Yuve kumakuhemo ghodiywi dyange,
ngeshi ku na kukugherera maghamweno
ngambi ngeshi ku na kuyerura nyara dhange
mundapero mungonda dhokupongoka dhotembeli.
3Wa ni tjidha pofotji nawayi, nawakamvo.
Awo, kughamba thiwana nawakamaparaghumbo ghawo,
nane mumitjima dhawo ne ghuyi ghudi mo.
4Wa humbithe popayitenda yawo
no popayikara yawo yoyimango.
Wa humbithe ne, popayirughana yonyara dhawo,
no ha wane yi sha tambure.
5Yoyishi yitenda yaFumu ne, mbadi hana kuyikoneka
no kuyitenda yonyara dhendi temba.
Yo mbo gha wa hayawera,
no kadi ha kutendurura karo.
6KwaFumu ne ko dya tamba difumanekero,
yoyishi ghana yuvu, makuhemo ghodiywi dyange.
7Fumu ne ngcamu dhange no mukungi wange,
paPendi na kurupera.
Yoyi gha ni ghamwenine.
Yo na kushambererera no kumufumaneka nodimbo dyange.
8Ngcamu dhaFumu ne dhikuru kudiko dyendi,
yothundo thoyu gha wethire thokupira digima.
9Ghamwene diko dyoye, no kandadheke
wa ha kara hoye,
kare ghomudithi wawo
no wa korere roruhe.
Currently Selected:
Rukwaro Romiposalemi 28: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
