Rukwaro Romiposalemi 27
27
Fumu ne munyenge wange no mughamweni
1WaDavita.
Fumu ne munyenge wange no mughamweni wange,
oyu sho ni yape ne dye?
2Ngeshi ha ni ghundukera hapaghi nawa ha ni dhimba
nawan̂ore eshi ha ni paghe,
yashemwa eshi wo mba teghena no kuwa.
3Ngambi ha nundamena mukayita,
mbadi mbo ni yapa.
Maghukukutu ngambi ha gha tanga papange,
shime mbo na tjimapa roruhe.
4KwaFumu ne thinu thofotji na kumbera ko,
ethi ne mbo na thi kuthu:
eshi, mumoyo wange ghoghuhe,
mbo na tungu mundhugho dhendi,
ho mbo ni ka wane mo ghuhunga wendi,
no kuyivuruka mutembeli wendi.
5NaFumu mbo ghana ni horeka mundhugho
dhendi mudiyuwa dyomaghukukutu,
no kunundeka mundjewa‐ndjewa mumatungo ghendi,
gho mbo gha ni yeyure wima padiwe,
6mbo na twara miyambo dhange mumatungo ghendi,
nomarumbendo ghokuhataghuka,
no kwimba membo ghange kudifumanekero dyendi,
oku me pakukoka han̂ore dhange,
wa hana ni dhingi.
7Tegherere kukwange ghoFumu, ngeshi na kwitha,
ni yuverere no ni fere n̂eke.
8Na kuvuruka yi wa ningire eshi:
“Mu ni shane oku ni di po!”
GhoFumu, name kemo oku ghudi po.
9Wa kuhoreka ne ghothinda kukwange ghoFumu
no wa tjidha mupikoye oku ghuna ghandhipa,
yoyishi, Yowe wa karire mughamweni wange roruhe.
Wa ni mwagha no wa ni thigherera,
Yowe pithoye ghoNyambi gho ku ni ghamwena.
10Ngambi ku hana ni mwagherera hatate nanawe,
Fumu ne ku ni shimba mumakorerero ghendi.
11Hekudyange, ni honge ndhira dhoye,
no ni yendithe mundhira dhokudyatama,
eshi, han̂ore dhange, ha dhire kuwana thi hana himi.
12Na kanderera, wa ni tapa kwawakakunindhanya,
yoyishi, hana nimanena hatunonga hombango
no kuna kunipuyumwena mupuyunghoghukore.
13Ngo mbadi na tawire eshi, mbo na ka mona
ghuhunga waFumu, muditunga dyawayumi!
14Taterere kwaFumu!
Tanare no tjimape!
Kemo, taterere kwaFumu!
Currently Selected:
Rukwaro Romiposalemi 27: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
