Rukwaro Romiposalemi 26
26
Ame ne na pira murandu
1WaDavita.
Hekudyange, ghambe yighamba mwene
kughuhunga wange,
yoyishi mbadiko murandu me.
Makurupero ghange ne paFumu
no kadi ya kutamangera.
2Fumu, ni yereke no ni rondonone,
ngambi ni monunune kokukeya.
3Muruhakitho roye na kuyenda,
ho na kupara mumakurupero ghoye.
4Mbadi na kukara pofotji nawakambango,
no mbadi na kuyendaghura nawahothi.
5Nashwena yikuvureka yawapaghi,
no wa ni pakerera kwawamango.
6Ngeshi na pira murandu ghoFumu,
na kuyogha nyara dhange,
no kuthighuka kuthinyaku thoye,
7ni kembe dimbo dyange dyomakughero
no kukuthimwetwedha, yitenda Yoye yoyihe yothitetu.
8Na haka matungo ghoye ghoFumu,
omu wa kara ghurwedhima ghoye.
9Wa ni pagha pofotji nawayiharuri,
nawayipaghi.
10Yoyishi munyara dhawo ne, mbango dha kara mo no
mumarudyo ghawo ne mwa yara manyinga ghokughumbembe.
11Ene me, na pira murandu.
Ni ghamwene no ni fere n̂eke,
12no murandu wange ne, mbadiko
gho mbo ni kughe Fumu,
mumakonganeno ghawatawi.
Currently Selected:
Rukwaro Romiposalemi 26: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
