Rukwaro Romiposalemi 21
21
Fumu gha kurupera paHekudyendi
1Kwamwimbithi. Mupisalemi waDavita.
2Eyi no ne yakungcamu dhoye ghoFumu,
yokushamberera kemo fumu,
kumawithero gha wa mu pire,
eshi gha yumbaghuke no gha shogherere.
3Eyi wa rumberire mutjima wendi, wa yi yaritha,
no mbadi wa mu shwenena eyi gha kumberire.
4Wa mu roghithera thiwana ruvigha,
ho wa mu yenga non̂ata dhomangondo pamutwi wendi.
5Moyo ne, kuKoye gha ghu kumberire,
Nowe wa ghu mu pire — moyo ghokuhenga thikuma.
6Yoyi wa mu pire maghamweno ghoye,
yo gha piterera mufuma,
no wa mu yambeka dikuto nodifumanekero.
7Owe ghuna kumuroghithera roruhe,
no wa mupa kamwagha‐mwaghe koyishamberera kughutho ghoye.
8Fumu gha kurupera paHekudyendi,
no mbadi ghana kupundadhoka, paghundambo ghomakurupero ghaMukakupiterera.
9Dyoko dyoye mbo dina wana han̂ore dhoye wahe,
rudyo roye ne wa ha kudhimba.
10GhoFumu, apa mbo wiya,
mbo no wan̂ithe yira mudirara.
Mughughandhi wendi, mbo ghana wa manitherera no
mudiro mbo ghuna wan̂itha.
11Hekudyange, hanawo mbo ghuna wa pagherera pano pamuve,
no mbo ghuna komonona, kughunu wawanahoka wawo.
12Ngeshi mbo ha tende ghupata noye,
endi kukuyedhekerera yoghuringi‐ringi,
mbadiko thi mbo ha tombora.
13No apa mbo wa nonga nongcamu dhoye,
mbana tjira wahe.
14GhoFumu, ngcamu dhoye dhi wa withe,
munyima po mbo tu dhimbera no kudhikutekera.
Currently Selected:
Rukwaro Romiposalemi 21: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
