Rukwaro Romiposalemi 20
20
Fumu yo mbo gha tapa mawithero
1Kwamwimbithi. Mupisalemi waDavita.
2Fumu gha kupe maghamweno mudiyuwa dyoyinyanda,
Dina dyaNyambi waJakopu, ngo di kughamwene.
3Ninge gha kughamwene mundhugho dhendi dhokupongoka,
owe wa tunga muSiyoni.
4Gha vuruke roruhe muyambo ghoye ghoyidya,
no gha tambure muyambo ghoye ghokukon̂erera.
5Eyi wa rumbera mutjima ghoye, gha yi kupe,
no gha kuvigharithe kuyoyiheya yi wa hima.
6Natwe mbo tuna shogherera koyi mbo witha,
ho mbo tu ghonyonone dirembe muDina dyaNyambi wetu.
Fumu gha kupe yoyiheya yi ghuna kukumbera.
7Na yidimuka eshi:
Fumu ne mbo ghana tapa mawithero koyu gha wetha!
Kuyuva ghana kumuyuverera, kutunderera kudiwiru dyendi dyokupongoka,
pamaghamweno ghoyitenda yendi yorudyo.
8Ene hamweya kutjimapa hana kutjimapa kudhina mumatemba ghoyita,
hamweya ne pambi,
atwe ne, twa tjimapera paDina dyaHekudyetu
no Nyambi wetu.
9Awo ne mbana ghomoka no kuwa,
ene twe, mbo tuna ghororoka no kutanara.
10GhoHekudyetu, tape mawithero kwafumu.
Gha tu yuverere Fumu, pakukugherera kukwendi.
Currently Selected:
Rukwaro Romiposalemi 20: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
