Rukwaro Romiposalemi 19
19
Yihokora yaFumu ne yaghushemwa
1Kwamwimbithi. Mupisalemi waDavita.
2Diwiru ne dya nongonona ngcamu dhaNyambi,
nomashani, gha dimukitha thirughana thonyara dhendi.
3Diyuwa dimwe, dina kupupanitha mbudhi kudimweya,
no ghuthiku ghumwe, ghuna kuyakunutha yidimuka kughumweya.
4Oyo ne kupira non̂umbu noman̂ando temba,
no diywi dyawo kadi dya yuva.
5Ene mughuma ghuna kutapathana mukaye kokahe,
no ndimi dhawo dnina kumu muyiyeghekamuto yomuve.
Diyuwa ne dyapwa kungambwera mudiwiru notende.
6Ngeshi ku thina kutanga kusheghenya thishe mundhira dhatho,
pofotji vene yira mwenga di ghana kushwagha mungonda dhendi.
7Kuva kwadyo, kumuvero,
kutokera ne kuditokera,
no mbadiko thi thina kufa kughughenyu wadyo.
8N̂ando dhaFumu ne dha yara:
no dha tapa moyo.
Yihonga yaFumu ne ya makurupero:
ya tapa ghunya‐nyami, kwawa ha dhira kuyitwayera.
9Miragho dhaFumu ne dha negha matambo:
no dha reta yishamberera.
Yiraghura yaFumu, ya kena:
no ya tapa maghano.
10Yihima yokukarera Fumu, yiwa
no ya tanara kuroruhe.
Ethi gha ghatura Fumu ne thihunga:
no kehe yu ghopapawo ne muhungami.
11Awo ne ha piterera mangondo, ngambi
ghukuru ghowingi wagho mangondo,
ghuwa wawo kupiterera wiki,
ngambi mere ghomuthindana.
12Tawedhe ne mupikoye gha kuhonge kuyinu yi.
Ghokukwata yoyiheya yi, yiruwera yendi ne yikuru.
13Yidye ne ghokumona thinda,
yokunda yokumuyongaritha?
Wa ni humbitha kuyiharura yokudhira kudimukera.
14Ni shinge kumaharwero ghange ghoghuhima
eshi gha dhire ku ni raghura.
Ngo mbadi mbo ni wana karo makoghawero,
no mbo na shutuka kumaharwero.
15Hekudyange, eyi na kughamba no yi na kughayara,
ghu yi menyamenyene.
Hekudyange, Yowe diwe dyange no Mushuturi wange.
Currently Selected:
Rukwaro Romiposalemi 19: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
