Rukwaro Romiposalemi 13
13
Shime rure ndi ghoFumu?
1Kwamwimbithi. Mupisalemi waDavita.
2Shime ho ni vurama ndi, ghoFumu?
Kuroruheya ndi?
Kate kupi wa kunithivura me?
3Mwaka munye na kutenda maghano ghange nothinda
no kurendarenda mayuwa ghomahe noyitokota?
Rure munye gha kuniraghura shime mukore?
4Hekudyange no Nyambi wange,
ni tegherere
no ni huthe!
Nipe ngcamu dhomoyo ghoghupya,
yoyishi mbadi na haka kufa.
5Maghana gha kukutanaghura mukore
eshi ghana ni witha,
no kushogherera hakakunimangopitha kuyifa yange.
6Ame ne na kakatera,
kumatjimapero ghoghundambo ghoye.
Nomutjima wange,
ghuna shamberera kuyighamwena Yoye.
Na haka kwimbera difumanekero dyaFumu,
yoyishi ghana ni tendera yoyiwa.
Currently Selected:
Rukwaro Romiposalemi 13: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
