Rukwaro Romiposalemi 14
14
Nyambi ne kumutara wawahunga
1Kwamwimbithi. Mupisalemi waDavita.
Mukakupira maghano,
yo gha ghayara eshi
mbadiko Nyambi.
Hanu hokupira maghano, hana kuwa vene.
No yitenda yawo ne ya ndhanyi kwaFumu.
Noyofotji temba yu ghana kutenda ghuhunga.
2Ene Fumu, kuna kukengurura hanu kutunderera kudiwiru,
mu kumona eshi, ngwa poghadi mukamaghano,
endi poghadi yu ghana kushana Nyambi.
3Waheya nane ha yongara,
mukahura ne gheperera,
no mbadiko yu ghana kutenda ghuhunga,
shemwa noyofotji temba.
4Hayi wahe,
awa hana kudya diko dyange yira thidya
no wa hana kushwena kukarera Fumu.
5Mbadi hana kudimuka
eshi, mbo yina wa hokokera yoyikukutu ndi?
Yoyishi, Nyambi ne kumutara wawahunga gha kara.
6Mbadiko yi mbo yishwagha
kumaghano ghenu, yokwamukakupira maghamweno.
Yoyishi, Fumu ne yomatjirero ghendi.
7Mawe, ngo gheye ne maghamweno ghaIsragheli muSiyoni!
Apa mbo gha piraghura Nyambi eyi gha turekera diko dyendi,
Jakopu ne mbo ghana shogherera,
naIsragheli mbo ghana shamberera.
Currently Selected:
Rukwaro Romiposalemi 14: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
