Rukwaro Romiposalemi 12
12
Fumu ne gha pungura mataterero ghetu
1Mwimbithi: nomangomba.
Mupisalemi waDavita.
2GhoFumu, ngo ghamwene,
yoyishi mbadiko karo muporothi,
no mbadiko munu ghomakurupero.
3Hanu ne kwangera hana kukwangera,
no kuna kukupemukitha, payikuhongaghura yawo.
4Ene Fumu, mbo ghana tunditha po yihongaghura yoyihe,
nawayaghayu tunwa,
5awa hana kuninga eshi:
“Mumarudimi ghetu, mo dha kara ngcamu dhetu.
Miromo dhetu, ghomaghamweno ghetu.
No mbadi tuna kutongamena kwamunu.”
6Fumu ye ne pakuninga eshi:
“Hakashu ne kuna kuwapetha
hahepwe ne kuna kuwatokotitha.
Yo na kwingenena po name,
no kutapa maghamweno koyu ghana kunyanda.”
7Mbadimo yombango, mo yi ghana kughamba Fumu.
N̂ando dhendi ne yira kakuvo,
aka hana kugharaghura mudidhiko katwedhighane.
8GhoFumu kon̂otwedhe mataterero ghetu.
Owe ne mbo ghuna tu kungu kwa kehe munu ghokenge yo,
9ngambi kenge hana kukunegha ghurendarenda hakakukushwena,
no kuraghura shime, ghukaro ghomukatji kawanu.
Currently Selected:
Rukwaro Romiposalemi 12: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
