Rukwaro Romiposalemi 11
11
Mondo ghange ne kwaFumu
1Kwamwimbithi: waDavita.
Mondo ghange me ne kwaFumu.
Ngepi sho mu kone kunitongwera eshi:
“Tjire kumarundu, yira nothinyunyi!
2Mu mone, awa ha shwena Nyambi ne,
hana remi mata ghawo,
no hana pameka masho ghawo pamiko,
gho hana kundamena mumakokore,
ha kwate wa ha kara nomitjima dhodhiwa.
3Ngeshi ha ka kasha kashemandhugho ne,
nye sho gha kone kutenda po muhunga?”
4Fumu ne mutembeli wendi ghokupongoka gha di!
Padipuna dyendi ghadi mudiwiru!
Meho ghendi,
ghana yandhuruka no kutorora wa gha haka.
5Aye gha yakunutha hahunga,
nawa ha mu shwena.
Oyu gha kara noruhakitho ronyinya,
ghana kumudhimba.
6No ghana kurokwitha mudiro nomvura ghombwe,
pa wa ha mu shwena.
Kopi yu mbo ha mwena ne,
mupuyu ghomupepo ghomudiro.
7Hekudyange muhunga.
Aye gha haka hahunga no ho kutenda yoyihunga,
awa ne nawo gha kara.
Currently Selected:
Rukwaro Romiposalemi 11: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
