Jakobusi 5
5
Makoghawero ghawatungi
1Amwe mwatungi, mu tegherere thiwana. Mu tonge no mu dire kuma‐ghukukutu ghenu agha ghana kumwiyera. 2Ghushwi wenu mbo ghuna dhongonoka, no yitere yenu mbo yina pu kuhoghorora kuyumbanyungu. 3Mangondo no yikuvo yenu mbo yina kara thitembwe. Thitembwe mbo thina mu nongwenena no mbo thina mwan̂itha yira mudiro. Yoyishi amwe, ghushwi muna kukukongwedhera mumayuwa ghoghuhura. 4Shemwa, amwe yamwe mwa tepura ndjambi dhawakakukesha mapya ghenu. Kakugho kawo no madiro ghawo ghokudiwiru, kare ya kuma kwaFumu ghoMukangcamu dhodhihe. 5Pano pamuve muruvigha muna kupara oru runa kupiterera. Amwe ne kudjabwana muna kudjabwana thika di muna haka nomitjima dhenu. Ene oku muna dimuka kare diyuwa dyenu dyokufa. 6Karo mwe, ndhango muna kutetera no kupagha hakakupira murandu, awo ne mbadi ha kona kukukandura.
Madhidhimekero
7Mwayendhange, mu kare noghudhughutjima kate mbo gheye Fumu. Mwa kona kukoneka eshi ngepi di gha tatereranga ndjimi, kumukesho wendi ghomudipya dyendi. Aye gha kara ghudhughutjima, kumvura ghothikaravandhi no ghodikururahoke. 8Namwe karo mwa kona kukara ghudhughutjima, no mu tjimape. Yoyishi tamba gha kwiye Fumu. 9Mwayendhange, mwa kutongora‐tongora mwathinda. Maghana mba mu tetera ndhango. Mutheki ne oyu gha nemana kare pathero. 10Mwandenge, mu shimbe thitamenedhi thawapumbi, awa ha ghambire muDina dyaFumu, thi kare thitamenedhi thoyinyanda no ghudhughutjima. 11Atwe kutoya tuna kuwatoya awa hadhidhimeka eshi, awo ne hakafiyaghudhi. Amwe mwa yuva ghudhughutjima waJopu no mwa mona eshi, pashanye gha yitenderire Fumu. Fumu ne munongo thikuma no mukathin̂eke.
Mbadi mwa kona kwedha
12Mwahewa, ethi ne thothinu thothikuru thikuma. Eshi mbadi mwa kona kwedha kuwiru, pamuve, ngambi kukehe medhero ghamweya. Ngeshi ha mu ningi eshi: “Kemo”, ya kona kukara “kemo”, ene ngeshi ha mu ningi eshi, “kadi kemo” yi kone kukara “kadi kemo”. Munyima po mbo ha dhira kumutetera ndhango.
Ndapero dhomatawero
13Ngeshi poghadi ghopapenu yu gha di mughukukutu, gha kone kuraperera. Endi yu ghana nyanyuka, ghembe membo ghomakughero. 14Ngeshi poghadi papenu ghumweya oyu ghana kuthatha, ha kone kwitha hakuru homumbunga ha mu raperere, no ha mu wethe nomaghadhi witha Dina dyaFumu. 15No ngeshi ha raperera nomatawero, gha kona kwiruka mukakukorwa: Fumu ne yo mbo gha mwirukitha. No ngeshi gha harura mbo ghana pu kuthigherera. 16Mukutongwerange maharwero ghenu thiwana, no mukurapererange eshi mu kare ndjewa‐ndjewa. Yoyishi ndapero dhamukakutawa, dha kara nothirughana thongcamu. 17Eliya gha karire munu thika twe. Aye nga raperanga thikuma eshi, gha roka mvura. No mapya mbadi gha wanine mvura rure romyaka dhihatu no tughonda kwoko nokofitji. 18Munyima, gha raperire karo, diwiru dya retire mvura no muve wa retire mukesho. 19Mwandenge, ngeshi ha pemuka yofotji ghopenu ghana pemuka kughushemwa, ene poghadi mukakumushinga, 20gha dimuke oyo thiharuri ghana harura eshi, ghana mu paritha mukufa no ghana tendi mathigherero ghomaharwero ghendi ghomengi.
Currently Selected:
Jakobusi 5: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
