Haheburayi 1
1
Ghukuru ghoghuhunga waMwana Nyambi
1Pakare‐kare gha ghambangire Nyambi, rwingi no pamihingo dhodhingi nawakerekandongo wetu, pawaporofeta. Ene pan̂anyi‐n̂anyi mumayuwa ghano ghokumanithera, kukwetu ghana kughamba paMwanendi. 2Nyambi, paPendi gha varekire kaye no gha mu yorithire yoyihe. 3Mumwendi mo ghuna kutunda ghurwedhima waNyambi, no yonungu dhaNyambi dhodhihe. Aye gha paka po yoyihe non̂ando dhendi dhongcamu. Apa gha manine kukushura maharwero ghawanu, ko kuyenda gha ka hungumane kurudyo roGhufumu ghomumawiru. 4Aye ha mu nunekire kupiterera haengeli, thika di gha mupa Nyambi Dina dyodiwa kupiterera mena ghawo. 5Yoyishi norofotji temba gha ningire Nyambi kwamuengeli eshi:
“Owe ne ghoMwanange,
dyarero na kara no Wiho,”
no karo eshi:
“Mbo na kara no Wihe,
naye mbo gha kare Mwanange”?
6Ene apa gha retire Nyambi Mwanendi ghombedin̂omba mukaye; gha ningire eshi:
“Haengeli waNyambi wahe, ha kone kumukanderera.”
7Ko kuninga kwendi kwawaengeli eshi:
“Aye kutenda haengeli wendi ha kare yira dingundunga
nawapikendi, yira maretha ghomudiro.”
8Ene kwaMwana kuninga ghana kuninga eshi:
“GhoNyambi,
dipuna dyoye dye kara po kuroruheya,
nomutagha ghoye ghoghufumu,
ghuna kuhokora ghuhungami.
9Owe, wa haka ghuhunga no wa dhimba ghuyi.
Yodigho, Nyambi ghoNyambi ghoye,
yo gha kuwethera noyishamberera yoyikuru
noghufumu kupiterera hayendhoye.”
10No shime eshi:
“Yowe Fumu wa varekire kaye pakutanga,
no diwiru ne thirughana thonyara dhoye.
11Yinu yi, mbo yina pu, Owe ne mbo ghuna kara po,
nayo mbo yina kurupara yira thipindhi thothivata,
12no mbo ghuna yipeta‐peta yira yivata:
kemo, mbo yina thitunuka yira thivata.
Ene We, mbo ghuna kara thika dyo‐dyo vene,
no myaka dhoye mbadi mbo dhi wana ghuhura.”
13Kwamuengeli munye gha ghamba panganyi eshi:
“Hungumane kurudyo rwange,
kate mbo ni kuwithere han̂ore dhoye”?
14Waheya wa ne mbadi mipepo muyikarera yaNyambi ndi? Awa ghana kutuma eshi mbo ha karera awa mba yora ruvigha.
Currently Selected:
Haheburayi 1: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
