Popular Bible Verses from Haheburayi 1

Share

Mumwendi mo ghuna kutunda ghurwedhima waNyambi, no yonungu dhaNyambi dhodhihe. Aye gha paka po yoyihe non̂ando dhendi dhongcamu. Apa gha manine kukushura maharwero ghawanu, ko kuyenda gha ka hungumane kurudyo roGhufumu ghomumawiru.

Pakare‐kare gha ghambangire Nyambi, rwingi no pamihingo dhodhingi nawakerekandongo wetu, pawaporofeta. Ene pan̂anyi‐n̂anyi mumayuwa ghano ghokumanithera, kukwetu ghana kughamba paMwanendi. Nyambi, paPendi gha varekire kaye no gha mu yorithire yoyihe.

Waheya wa ne mbadi mipepo muyikarera yaNyambi ndi? Awa ghana kutuma eshi mbo ha karera awa mba yora ruvigha.

No shime eshi: “Yowe Fumu wa varekire kaye pakutanga, no diwiru ne thirughana thonyara dhoye. Yinu yi, mbo yina pu, Owe ne mbo ghuna kara po, nayo mbo yina kurupara yira thipindhi thothivata