2 Hakorinte 9
9
Maghamweno kwakamatawero
1Pano mbadi na nyanda kumutjangera yomaghamweno, ghawakakutawa hoMujudeya. 2Ame na dimuka shemwa eshi mwe ne muna haka maghamweno. Gho na ghambire ghumukugha, kwaWakamasedoniya eshi: “Agaye” dyo na ningire, “eshi myaka dhodhingi na mu ghamwena thiwana.” Ghutoghoro wenu, ghuna tjokedha karo hamweya hohengi. 3Yo na kutumena wano hayendhange eshi, makughero ghoman̂ando ghetu, maghana sho gha kare nyara‐nyara. Atwe tuna haka thika di twa tongwerire hamweya eshi, amwe ne mumaghamweno mudi. 4Parumweya ngeshi mbo heye Hakamasedoniya, kate mbo na ha wane eshi mbadi muna kuroghitha, natwe mbo tuna fu honyi mumakurupero ghetu ghokukwetu — oku mbadi muna ghambaghura yothihonyi thenu. 5Yo na yi tokomenine thikuma ni tjokedhe hayendhange, ha rundurure kughutho. Awo ha kona kuroghitha muyambo ghomatumero ghu ha mu kuruperithire pakutanga. Ndani po mbo ghu rikanya muyambo ghoshemwa ghomatumero, ene kadi ghokuyerutha.
6Ene mu ghayare eshi: oyu ghokukuna ghupu, mbo ghana keshi karo mughupu. Ngeshi ghokukuna yoyingi, mbo ghana keshi karo yoyingi. 7Kehe yu gha tape thika di ghana yi ghayara mumutjima wendi. Kadi noyitokota, endi nomuthineneko. Yoyishi Nyambi gha haka mukakutapa ghuhima. 8Nyambi ne gha kara nongcamu dhokumuvurithera kenge‐kenge yoyihe. Eshi mu kone kuwana thothihe kehe pano thothiwa, pathirughana thenu thokuyara. 9Yapwa kutjanga karo eshi:
“Ghana kuyakunutha no kutapera hahepwe,
aye ne mutapi kehe pano.”
10Nyambi yu gha tapa mbuto dhokukuna noghuroto ghokudya, yo mbo gha mu pa karo mbuto no kudhimenitha. Mughutapi wenu ne mo mbo ghushwagha ghutungi no yipokora yenu. 11Aye gha mu tungeka roruhe muyoyihe eshi, mu kare roruhe ghutapi kate kumatumero ghaNyambi. 12Yoyishi yikarera yino yomaghamweno ghawakakunyanda, eyi yidi muthitunumeho, mbadi yawatawi hoMujudeya keho. Ene mu rete nomatumero kwaNyambi. 13Paghushemwa ghomakwindukero ghenu ghoyikarera, mba nengipa wa mba reta matumero kwaNyambi. Mbo na mu kughu paghutawedhi wenu, ghokunongonona mbudhi dhodhiwa dhaKristusi. No pamayuvithero ghenu ghomahunga no ghokukwawo no ghokwawamweya wahe. 14Nawo mbo hana mu raperera no kumundhundha nodirura. Yoyi n̂eke dhaNyambi dha vurire thikuma papenu. 15Matumero kwaNyambi kuyitapa yendi yoyikuru.
Currently Selected:
2 Hakorinte 9: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
