2 Hakorinte 13
13
Mashingero ghoghuhura no dirumeritho
1Oru ne roroghuhatu na kwiya kukwenu. “Pan̂ando dhawawadi endi dhawahatu, dhoghunongononi, edhi na kona kuneghedha kehe thinu,” thika di ya ninga Yitjanga. 2Kwawa ha harurire, na wa tongwerire kughutho apa na karire nenu. Gho na kuyikwinduka karo kuyimutongwera, oku mbadi nenu. Ngeshi mbo niye karo kukwenu, noyofotji temba yu mbo ni dhira kutokomena. 3Amwe ne thineghithitho muna kushana eshi Kristusi ne, papange ghana kughambera. Aye ne mbadi ghana kwingena po mughukashu, ene ngcamu dhendi ghana kuneghedha mumwenu. 4Yoyishi ngambi kenge ha mu pamarire mughukashu ghoghunu, aye ne mungcamu dhaNyambi ghana kupara. No mumwendi twa kasha twe. Karo pofotji nendi mbo tu para pangcamu dhaNyambi. Eyi ne yo mbo mu mona.
5Mu kuyereke, ho mu kwipure mwathinda eshi mumatawero mwa para ndi. Endi mbadi mwa dimuka mwathinda eshi, Kristus Jesusi ne mumwenu gha kara? Ngeshi kadi kemo, mbadi mwa gha kumithamo mayerekero ghenu. 6Ame na kurupera eshi, amwe mwa yidimuka thiwana eshi, atwe twa kumithamo mayerekero. 7Atwe tuna kurapera kwaNyambi, mu dhire kutenda thothiyi. Eyi tuna kuraperera, kadi thi kare thineghedhitho, ethi twa kumithamo mayerekero. Twa hima eshi mwe mu tende yoyihunga, ngambi ku mbadi twa kumithamo mayerekero. 8Yodigho twe, mbadi twa kara nongcamu, kughushemwa waNyambi. Ene yoyiheya ne yaghushemwa. 9Yo tuna kushamberera ngeshi twakashu, oku mwe nongcamu dhenu. Atwe tuna rapereranga karo kughukuru wenu ghomidhimu. 10Yo na kutjangera yinu yono kukwenu, kutunda pa na mu thigha. Yoyishi, apa na kwiya, mbadi na haka eshi ni rughane noghunyeghenya nongcamu dhaNyambi dhi gha ni pire. Nongcamu dhi, na haka kushokeka, kadi Kuyungununa.
11Shime ne mwayendhange, mu shamberere. Mu kon̂otwedhe kughukuru ghomidhimu. Mu tambure makoghawero. Mu kare pofotji no mu pare muthiraro. Nyambi ghoruhakitho nothiraro mbo ghana kara nenu!
12Mukurumerithange, nodicumitero dyoGhukriste. Hana mu rumeritha wahe wa ha kara waNyambi.
13Thin̂eke thaFumu Jesus Kristusi noruhakitho rwaNyambi, mumakupakerero ghoMupepo ghoKupongoka, yi kare nenu mwahe.
Currently Selected:
2 Hakorinte 13: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
