1 Johannesi 1
1
Mbapira Dhokutanga dhaJohannesi N̂ando dhomoyo
1Kutunda pamatangero, Aye gha kara po kare. Atwe twa mu yuva twathinda. Kemo, natwe twa mu monine nomeho ghetu twathinda no twa mu kundamine nonyara dhetu. 2Aye ne yoN̂ando no Moyo. Moyo ne ghuneya. Natwe tuna mu mono no twatunonga, ho tuna kumuyuvitha Moyo Ghororuheya oghuwa karire kwaWihe, no ghu wa hokoka kukwetu. 3Oyu twa monine no kuyuva, Aye ne yo tuna kumuyuvitha eshi, ngo mu kone kuyerana kumakupakerero ghetu. No makupakerero gha twa yerana twe ne, pofotji naWihe naMwanendi Jesus Kristusi. 4Eyi tuna kuyitjangera yi ne eshi, yishamberera yetu ne yi kone kuyarerera.
Nyambi ne munyenge
5Edhi no ne dhombudhi twa yuvire no dhi twa mu yuvithire eshi: Nyambi ne yoMunyenge. No muMwendi ne mbadimo makokore. 6No ngeshi ha tu ghayara eshi twa yerana kukwendi no kupara mumakokore, twakambango twe no mbadi tuna kutenda thika di wa yenda ghushemwa. 7Ene ngeshi ha tu para mumunyenge thika di gha kara Ye mumunyenge, tuna kuyererana mumakupakerero ghofotji Nendi, manyinga ghaJesusi ghoMwanendi ghana kukushura maharwero ghetu. 8Karo ngeshi ha tu ghayara eshi, twa pira maharwero twe, twathinda tuna kukwangera no mbadimo ghushemwa mumwetu. 9Ene ngeshi ha tu nongonona maharwero ghetu, Nyambi ne mutawedhi no muhungami. No ghana kututhigherera maharwero ghetu, no kutukushukitha kumaghuyi ghomahe. 10Shime ngeshi ha tu ningi eshi, kadi wa kuharura twe, tuna kumutenda Ye eshi, mukambango no n̂ando dhendi ne mbadimo mumwetu.
Currently Selected:
1 Johannesi 1: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
