1 Hakorinte 8
8
Dipwero dyonyama dhondupu dhokwawanyambi hombango
1Pano, dipwero dyenu dyokumuyambo ghokwawanyambi hombango.
Twahe tu dimuke eshi twa dimuka yinu. Yidimuka, ya reta dihuna. Ruhakitho ne rwa rundurura. 2Ngeshi ghumweya ha ghayara eshi, gha dimuka yinu. Mbadi gha dimuka shime yi gha kona kudimuka munu. 3Keho munu ngeshi ha haka Nyambi, Nyambi naye mbo ghana mu dimuka.
4Ngepi ne keho yoyidya yonyama, ghomuyambo ghokwawanyambi hombango. Twa yidimuka eshi, mbadimo nyambi ghombango mukaye kokahe. No mbadimo karo Nyambi waye‐naye, shimengwa Yofotji. 5No pohadi karo hanyambi hamweya, ngambi homudiwiru, ngambi hopamuve. Thika di ha kara karo “hanyambi” hohengi, no hafumu hohengi. 6Yodigho, keho kukwetu gha kara po Nyambi yofotji. Wiha ku yashwagha yoyihe no poYu tuna kuparera. No shimengwa yofotji Hekudyetu Jesus Kristusi. Apa ya kara yoyihe noYu tuna kuparera twahe.
7Ene wahe mbadi ha yidimuka yi. Pashadyarero shime pohadi hamweya, awa ha twayera eshi ha dyange nyama dhawanyambi hombango, yira muyambo ghokwanyambi ghombango. Po ya wanenanga yighayara yawo yi ya kasha kare, karo maghukukutu. 8Eyi tuna kudya twe mbadi twa yitupura kwaNyambi. Ngeshi mbadi tuna kudya, mbadiko thi tuna kuyongaritha. Ene ngeshi ha tudi, tuna kuyongaritha.
9Keho mu koneke horo dhenu, mbadi dha kona kukara yira dhawakashu, eshi dhi kare yira thinu thodiharwero. 10Owe ngeshi wa dimuka yinu yi, yende ghu kadye mutembeli wanyambi ghombango, oyu gha kara mo nomahimeno ghomakashu pakukumona ye. Ene mbadi mbo gha kara nomatjokedhero ghokukwendi eshi naye ghadye nyama yira muyambo wanyambi ghombango ndi? 11Hakashu mbana yongara, pamurandu ghoyidimuka yoye no kwamuyendhange yu gha fererire Kristusi. 12Pakuharwera kemo hayendhenu, no kuwapa maghukukutu muyihima yawo yoyikashu, amwe ne muna harura kwaKristusi. 13Yodigho, ngeshi yidya yange yina haruritha muyendhange, mbadi mbo ni dya karo nyama me: Ame ne mbadi na haka kuharuritha muyendhange.
Currently Selected:
1 Hakorinte 8: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
