1 Hakorinte 13
13
Ruhakitho
1Pano na kumuneghedha shime ndhira dhodhihunga:
Ngambi ngo ni ghambe mandimi ghawanu no ghawaengeli,
ene na pira ruhakitho,
ngo ni kare yira thikuvo thokungerengendja
no yira thikwangwa thokughamba.
2Ngambi ngo ni kare noyitapa yoghupumbi,
no kudimuka yithithatero yoyihe
no maghunya‐nyami ghomahe,
no ngambi ngo ni kare nomatawero ghokukona
kurundurura marundu,
ene na pira ruhakitho,
ngo mbadi sho ni kare nothinu.
3Ngambi ngo ni tapere ghushwi wange ghoghuhe kwawamweya
no ngambi ngo ni tape yirama yange eshi ha yi kon̂erere
eshi ni kone kufumanena po,
ene na pira ruhakitho,
mbadiko yi sho yi ni ghamwene.
4Ruhakitho ne ghudhughutjima,
ruhakitho ne ghunongo,
aro ne mbadi nya,
aro ne mbadi rwa ghamba thikuma,
aro ne mbadi dihuna.
5Mbadi rwa rughana ghuyi,
aro mbadi rwa kutokomena rothinda,
aro rwa pira ghupata,
aro mbadi rwa ghungura n̂ore.
6Aro mbadi rwa shamberera kughuyi,
ene rwa shamberera kughushemwa.
7Aro rwa fika yoyihe,
rwa tawa yoyihe,
rwa kurupera yoyihe,
rwa dhidhimeka yoyihe.
8Ruhakitho mbadi mbo rupwa,
ene yitapa yoghupumbi ne mbo yina pu,
mandimi mbo ghana huru,
yidimuka mbo yina dhongonoka.
9Yoyishi twe twa dimuka dihenda,
no twa pumba dihenda.
10Ene ngeshi mbo gheye ghokuyara,
mbo yina dhongonoka,
yodihenda.
11Apa na karire nomwanuke,
na ghambire thanuke,
na ghayarire thanuke,
na tamangerire thanuke.
Pano na kuru,
na thigha yinu yothanuke.
12Pano shime ha tu kengi twe muthikumoneno thodivundundu,
ho tuna kumona mo thiperende thoditangu,
ene diyuwa dimweya,
mbo tuna yi mono yoyihe mumwayo.
Pano na dimuka vene dihenda,
ene diyuwa dimweya, mbo na dimuka yokuyara,
thika di gha ni dimukerera Nyambi.
13Apa no pa kara,
matawero, makurupero noruhakitho,
payinu yihatu yi.
Thokupiterera po ne
ruhakitho.
Currently Selected:
1 Hakorinte 13: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
