1 Hakorinte 12
12
Makutjakero ghoyitapa yomudhimu
1Kuyitapa yaMupepo, mwayendhange, na haka ni mu tjwathanithe. 2Mwa yidimuka apa mwa karire shime mughuhayidena, ha mu twarire mughuthuta kwawanyambi hombango hokudhira kughamba. 3Yodigho na haka me eshi mu kone kudimuka munu yu ghokughamba eshi: “Mukan̂utwa Jesusi.” Mbadi ghana kughamba noMupepo waNyambi. Noyofotji temba yu gha kona kughamba eshi: “Jesusi ne Fumu.” Shimengwa paMupepo ghoKupongoka.
4Poghadi shemwa makutjakero ghoyitapa yon̂eke. Ene Mupepo ghofotji yu ghana kuyitapa. 5Poghadi makutjakero ghoyikarera. Ene Fumu yofotji yu ghana kurawera. 6Poghadi makutjakero ghomarughaneno ghongcamu. Ene Nyambi yofotji yu gha paka yoyihe mwawahe.
7Kwakehe yu ha tapa thirughanitha thaMupepo kughutungi wawahe. 8Kwaghumweya gha tapa Mupepo thitapa thokughamba n̂ando dhoghunya‐nyami, kwaghumweya ne n̂ando dhoyidimuka paMupepo yofotji yu. 9Kwaghumweya matawero ghopaMupepo yofotji, kwaghumweya yitapa yon̂eke, yomerukitho, paMupepo yoyu yofotji. 10Kwaghumweya, gha tapa ngcamu dhokutenda yitetukitho, kwaghumweya thitapa thoghupumbi no kwaghumweya karo gha mupa thitapa thokupongodhora mudhimu. Kwaghumweya, gha mupa thokughamba kehe ndimi. Karo kwaghumweya thitapa thokupathurura mandimi. 11Ene yoyiheya yi, yirughanitha yaMupepo yofotji, Oyu gha tapa kwakehe yu thika di ghana himi.
Yirama yofotji noyipo yayo yoyingi
12Thika di ya kara yirama yofotji noyipo yoyingi, kemo dyo ya kara yipo yoyihe pofotji, ngambi kenge di yengipa ya kara yirama yofotji. Kemo naye Kristusi. 13PaMupepo yofotji, twa karire twe yirama yofotji paDiyoghero. Ngambi Twajuda endi Twahirika, mupika ngambi horo. Twahe twa yara naMupepo yofotji.
14Yirama, mbadi ya kara karo nothipo thofotji, ene yingi. 15Ngo di ghambe dipadhi eshi: “Yoyishi me mbadi na kara nonyara, kadi nothipo thoyirama. Ene mbadi dya kara thipo thoyirama ndi.” 16No ngeshi ha di ningi ditwi eshi: “Yoyishi me ne kadi no diho, shemwa adyo ne mbadi dya kara thipo thoyirama ndi.” 17Ngo dya karire diho yirama yoyihe, ngo ngepi di nga di yuvanga? No ngo yirama yoyihe ya karire ditwi, ngo kupi dya konine kunukitha. 18Ene pano Nyambi gha pakire yipo kwakehe yu ghopapawo muyirama, thika di ha yihimine. 19Ngo ha karire wahe thipo thofotji ne ngo kupi ya karera yirama? 20Apa no ne yipo yingi, yirama ne yofotji.
21No diho mbadi dya kona kughamba kunyara eshi: “Mbadi na kunyanda.” Ngambi mutwi kumapadhi eshi: “Mbadi na mu nyanda.” 22Karo yipo yoyirama yi yakasha thikuma, yoyanyanda po. 23Yipo yoyirama eyi twa dhira kukutekera thikuma, yo twa vateka nodikuto dyodikuru. Dyo twa tenda yipo yokupira mayengero noyiyenga yoyikuru. 24Oku yipo yetu yoyiyenga mbadi ya yinyanda. Ene Nyambi gha pakererire yirama no gha tapire dikuto kuthipo thothihepwe, 25eshi sho mu kare makuyakunukero muyirama. Ene eshi yipo, yi koneke pofotji. 26Ngeshi thipo thimwe ha thi nyanda, yipo yoyihe yina kunyanda. No ngeshi ha kutekera po thipo thofotji, yipo yoyihe yina kushamberera.
27Amwe ne mwayirama yaKristusi, no yipo yokukutjaka. 28Nyambi gha tapire thirughana kwawamweya homumbunga. Pakutanga kwawapostoli, paruwadi kwawaporofeta, paruhatu kwawahongi, munyima kwawa ha tendanga yitetukitho no kwawa ha wana yitapa yothin̂eke yokwirukitha hanu, haghamweni hayendithi ngambi haghambi homandimi ghomahe. 29Waheya wa ne hapostoli ndi? Waheya wa ne haporofeta ndi? Endi wahe ne hahongi ndi? Kukona kutenda wahe wa yitetukitho ndi? 30Ha yerana wahe kuyitapa yon̂eke yokwirukitha hanu ndi? Endi wahe ne ha ghambanga mandimi no kughapathurura ndi?
31Mu toghorope thikuma kuyitapa yon̂eke.
Currently Selected:
1 Hakorinte 12: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
