Rooma 12
12
Tane sadaqha
1Amaydo yi sacul, Yallih naxrurtahi araxah, sinni nabse tane sadaqha, quddus kee Yalli akah kabbaata araxah kab-ishshoona sin fayshak aniyo. Amaye lel rummaahit sin cibaada kinni. 2Sinni xangal tuscussubiinih inqiyyira kibah, ta caalamti thabiicah maadayna. Amaymih lel, Yallih farhi ayim kinam: kaa mecaani, xedenishshah naqhuse hin kaa farhi ayim kinam timirimiriinih seltoona kitin.
Nicmat muttuxuwa
3Yoh tomxoye nicmah sinko umman tiyak arhxem liyo: tamaa Yalli sinko umman tiyah yoxoyeh yane imaanhi qiyaasalle, thummut kin firde yaxaye araxah yaxaasabo kibah, ishi sabbatah isheeko ziyaada aganalle yaxaasabo alle mitane. 4#1 Korintos 12:12Amaye lel inki nabsedde mango karim lino, amaa karim lel inkoh inki nafaaca malooni, 5amaydo nanu, mangino hanuk, Masiixidde inki nabse kino, inkeekettah lel sittiyahi karim kino. 6#1 Korintos 12:4-11Tamaa noh tomxoye nicma balih, barhsimte muttuxuwa linok, natnaafacoo. Amaa muttuxuwa nabii balih waanisho yekkemko, amaati ishi imaanhi qiyaasalle aboo. 7Khidma yekkemko, yakhdamo alle tane; aydaras yekkemko, yaydaraso alle tane; 8fayishnan yekkemko, faysho alle tane; yaxaynim yekkemko, xindaalih yaxaw alle tane; santishnan yekkemko, aabboohosekkah santisho alle tane; raxma-le yekkemko, xedenlih raxmato alle tane.
Rummaahit kishtanti tuumar
9Kaxani rummaahit tiya yakkoo. Umaani inciba; mecaani qath-ishanta. 10Sacoolinni kaxanoh sittiya ikxina. Mangum sittiya xishmata. 11abinnannimidde mabbaahasina, ayqari le mara tika; Maddara ukhduma. 12Cag abitteenih xedena, tsabaabat waqhtedde sabre abita, salat mixabina. 13Yinqiddise mara ten farhshishshamah ten xata. Gerha arxibishshoona wagiyanta.
14 #
Maatiyos 5:44; Luukas 6:28 Sin hadana marah dhaaco akah aba; dhaaco akah aba kibah ten maabaarina. 15Xedena maraalih xedena, weeca maraalih weca. 16#Missilit 3:7; Filibbi 2:2Sittiyaalih samaraalih mara. Mamnanabbinantaaki, amnonobba-hin maraalih tika. Kas-le mara sinnek maabina. 17Umman tiyahi intidde mecem kinam aba kibah, umaani umaanih mafdayna. 18Dhiicimtemko, sinneh dhictaanam hidhdhalle, umman tiyaalih salaamah mara. 19#Gabbaacime Sercat 32:35 Yi kaxantoolito, “Xane yafdiinim yim kinni, ‘Anu afdaw kiyo’ yarhxe Maddari” yarhxiinim tunkuttubeh tanemhi sabbatah, Yallih kuralle ten xaba kibah, xane mafdayna. 20#Missilit 25:21,22Laakin,
“Ku cangi safriitemko kaa bettish,
bakhaaritemko yaacubem akah uxuu;
tayim abtak lel
xoolah kaa xararishsho kito.”
21Umaani mecaanih iscir kibah, umaanih mamsaccarin.
Currently Selected:
Rooma 12: SCC
Highlight
Share
Compare
Copy
Want to have your highlights saved across all your devices? Sign up or sign in
©2024 Wycliffe Ethiopia
