Rooma 11
11
Israa-eel xiyawko raace mara
1 #
Filibbi 3:5
Amaydo anu essero liyo, Yalli ishi xiyaw xine? Maale haye! Anu inneh Israa-eelto, Abraahim zara, Binyaamin kishooko kiyo. 2Yalli tamaa yookomeh yeerhege ishi xiyaw mixininna. Eliyaas zacabah Kutuub yarhxem, usuk lel Israa-eel xiyawhi diddeh Yallalle aaginah yathricem mitaarhigiini? 3#1 Nuguusa 19:10,14Usuk yerhxe: “Maddara, ku nobowa yigdifin, ku mazbax dumusen, anu lel inkettak raace, yi yagdafoona lel farhak yanin.” 4#1 Nuguusa 19:18Laakin Yallih medobba kaalle ayim kuuk tine? “Tamaa Bacal#11:4 Bacal Kancaan kalxit xiyaw akah acbuduk yinin yallih migac kinni.ah kume waye maraako malxina shiix racsiiteh aniyo.” 5Amaydo, kado gantah, nicmah doorimeh raace mari yanin. 6Amaydo, nicmah kibah abittotuh maki, amayim akke wayemko nicma, nicma akke mirhaarho.
7Ayim kinni haye? Israa-eel xiyaw farhak yiniinim migeyinnooni. Doorime mari geyen, raace maraako laakin akko tisriye. 8#Gabbaacime Sercat 29:4; Isayas 29:10Amayim lel taginah tunkuttubeh tane:
“Yalli kaafa fanah diye ufaye akah yoxoyeh yane,
Ten intit miyable,
ten cokkak miyaabbe.”
9 #
Zaabur 69:22,23 Dawud lel tahe yarhxe:
“Ten maaddi madfan kee machchawaadiya,
andafo kee fida yakkoo;
10Yabliinimko ten intit dattowoo,
ten diiroora lel umman geddah gudduttoo.”
Aki-mari yamtikkilin
11Amaydo anu essero liyo, usun radoona ciloh kinniho andafiteenim? Maale haye! Yakko kibah, Israa-eel xiyaw ashshiinisho ciloh, ten umaanih araxah Aki-maralle garger yemeete. 12Amaydo, ten umaani ta caalamah gadda yekkemko, ten radnan lel Aki-marah gadda yekkemko, kaamil kin ten agle ziyaadah ayidhdhale gadda akke dhadhdhe?
13Aki-maraw, anu sinlih waanishak aniyo. Anu Aki-maralle fartotta kiyom hidhdhah, inni khidma mangum assokoote, 14amayim lel, yi mara kin Yahuud ashshiinisho kee tenko garo gargeero ciloh kinni. 15Tena xabaanam ta caalamah wagare bahtam yekkemko, tena kabbaataanam rabaako aniinalle gaxaanam balih kibah aki macna leho? 16Afti daroh yomxoye cagunko dagum tinqiddisem yekkemko, amaa cagun inkoh inkidde quddus kinni. Rimid quddus yekkemko, amaa xakuk lel quddus kinni.
17Amaa xakukko gari yiggidileh, atu zibi oolacko kito hanuk, akimhi fanadde timtikkileyaako, yayteele oolactot rimid tengelemko, 18tamaa xakukulle mifalitin. Amayim abtemko, rimid kinni ku yaaqhucem kibah, atu rimid mitaaqhucem xunsus. 19Sarrah lel: “Anu adde amtakkalo kinni xakuk yiggidilem” tarhxo kito. 20Amayim rumma kinni. Sinni imaan waytohi sabbatah kinni yiggidiliinim, atu laakin imaanah tisbiteh daw-terhxe. Amaydo, mamnanabbinaaki, mashshit. 21Amayim lel thabiicat xakukuh naxinnixe Yalli kottah gantah naxo makinamhi sabbatah kinni. 22Amaydo, Yallih mecaani kee siraye macalsit; Yallih siraye too rade maralle kinni, kottah laakin Yallih mecaani, atu kaa mecaanidde katattaytemko koh tomxowweh tane. Akke wayemko, atu gantah taggaraco kito. 23Usun gantah, sinni imaan wayto katattayshe wayeenimko, Yalli malammih ten yatkalo xayla lemhi sabbatah yamtakkaloona kinon. 24Atu thabiicah zibi oolacto kin tiyaako tiggiriceh, ku thabiicaako akkinnixe dhaget oolactodde akko timtikkileya, thabiicaako ta oolactot xakuk kuuk tinem, amayimko ziyaada gaxeenih sinni oolactodde yamtakkaloona kinon.
Israa-eel xiyawhi garger
25Yi saculo, atin maarhagit sinne takkaliinimko, ta mashthir sodhdhoona sinak mifarha: Israa-eel xiyawko gari, tiraare yuybulluynim Aki-maraako yaamano missil mari inkoh orobaanandah kinni. 26Taginah lel #Isayas 59:20Israa-eel xiyaw inkoh gargeerimoona kinon:
“Mayyaaci Tsiyoonko yamaato kinni,
Yacqoobko lel Yallih mashshih wayto akko kalo kinni.
27 #
Ermiyaas 31:33,34 Ten zambe kala gedda,
tayim tenlih yi cahde yakko kinni”,
yarhxiinim tunkuttubeh tane.
28Mece warehi gabooko yekkemko sinah arhxuk cangit kinon. Doorot gabooko laakin, sinni abbubuh arhxuk yinkixxine mara kinon. 29Muttuxuwa kee Yallih deeco caazalle gaxtam maki. 30Tamaa atin wuli gedda Yalla akah aabbe wayteeniikah, kado lel ten xinayyoh raxma akah kabbatteeniikah, 31tamaa atin kabbatten raxma usun gantah kabbaatoona ciloh, usun kado yaabboona xineenih yanin. 32Umman tiyalle raxmato ciloh, Yalli umman tiya xinayyodde yurhuwe.
33 #
Isayas 55:8
Yallih gadda, kas kee irhga mangum adda fidina! Kaa firdi miyammirmire, kaa arux lel miyanqeese!
34 #
Isayas 40:13
“Maddari xangal miyatti yaarhige,
hido kaa faysheena miyatti yekkeh yaarhige?
35 #
Ayyuub 41:11
Hido lel, Yalli yadabbo-le muttuxuwa
Yallah yoxoye tiyah miyatti yane?”
36 #
1 Korintos 8:6
Ummannim kaako, kaa araxah kayyalle kinni. Umman gedda nabne kayyah takkoo! Amin.
Currently Selected:
Rooma 11: SCC
Highlight
Share
Compare
Copy
Want to have your highlights saved across all your devices? Sign up or sign in
©2024 Wycliffe Ethiopia
