Rooma 10
10
1Sacul, yi afcaadoh farhi kee Yalla tenah akah dhaacam, usun gargeerimoona kinni. 2Irhgat araxah makih kibah, usun Yallahi qeera loonimih akah ashhide. 3Yallih xaqqe sorheenih, sinni xaqqe dhishoona wagiyen, Yallih xaqqehi geridde lel sinne mihayinnooni. 4Aamininnan tiyah xaqqe yakko ciloh, Masiix sercat abayshima kinni.
Gargerti farto umman tiyah
5 #
Leewiiti Sheekhino 18:5
Sercat araxah yamiite xaqqi zacabah Moosa taginah yaktube: “Tayim abati taymih aniina geyo kinni.” 6#Gabbaacime Sercat 30:12-14Imaanah yamiite xaqqi laakin tahe yarhxe: “Ishi afcaadodde: ‘Masiix ulluso, Carshelle korto lem miyatto kinni?’” marhxin. 7“Hido lel: ‘Masiix rabtemko uguso, adda dherh boozodde oobo leti miyatto kinni?’” marhxin. 8Ayim yarhxe lel? “Waanitta ku agaagalle tane, ku afadde kee ku afcaadodde tane” (amaye lel imaan waanitta nanu warroyishnaya kinni); 9amayim lel Yeesus Maddara kinamah ishi afah teelemeh Yalli rabaako kaa ugusem ishi afcaadodde teemenemko gargeerimto kito. 10Xiyawti ishi afcaadoh yaamineh yatxiqqiqhe, ishi afah yaalimeh lel gargeerima. 11#Isayas 28:16Amaa Kutuub lel: “Kayyah aamininnanti caduruh xoolashshiito maki” yarhxe. 12Yahuud kee Giriik fanadde barhsi miyane; amaa inki Maddari umman tiyahi Maddara kinni, kaa deecinnan maradde lel mangaalih adde yabeereke. 13#Yoo-eel 2:32; Fartottit hi Abittot 2:21Amayim lel: “Maddari migacah deecinnanti lel gargeerimo kinni.”
14Akah aamine wayen tiya aaginah deecoona kinooni? Kaa sabbatah caduruh yoobbiinih sorhan tiyah aaginah akah yaamanoona kinooni? Akkinnanti akah warroyshekkah lel aaginah yaabboona kinooni? 15#Isayas 52:7Tamaa: “Mece ware warroysha marahi ibi ayidhdha carha mece!” yarhxiinim tunkuttubeh akah taneekah, farritime wayeenimko aaginah warroyshoona kinooni? 16#Isayas 53:1; Cibraan 4:2Laakin tamaa Isayas: “Maddara, nottaako yoobbem miyatti yeemene?” akah yarhxeekah, usun inkoh mece ware mikabbaatinnooni. 17Amaydo, imaan maabbooko yamiite, maabbo lel Masiix waanittahi araxah tamiite.
18 #
Zaabur 19:4
Anu laakin esserak aniyo, yoobbiinih miyaniini?
“Ten dhaw umbuka baarholle yewceh yane,
ten waani lel caalamti abayshima gufteh tane”
akah yarhxeekah rummah yoobbiinih yanin. 19#Gabbaacime Sercat 32:21Anu laakin esserak aniyo, Israa-eel xiyaw mafhaminnooni? Yookomeh Moosa:
“Dik akkinnixe maraalih sin ashshiinisho kiyo,
duudit kin diklih lel sin kurraysho kiyo”
yarhxe. 20#Isayas 65:1Isayas lel cadimbililih:
“Yi wagiye waye marah geytimeh aniyo,
yotta esserime waye mara lel inne uybulluweh aniyo”
yarhxe. 21#Isayas 65:2Israa-eel xiyawhi zacabah laakin:
“Tamaa aabbinnixeh yi didde kin xiyawah
umbuka max inni gabub akah iyfiddige”
yarhxe.
Currently Selected:
Rooma 10: SCC
Highlight
Share
Compare
Copy
Want to have your highlights saved across all your devices? Sign up or sign in
©2024 Wycliffe Ethiopia
