Waxye 21

Cusub caran kee cusub baarho

1 # Isayas 65:17; 66:22; 2 Bithroos 3:13 Sarrah cusub caran kee cusub baarho uble, afti caran kee afti baarho tillabteh tanemhi sabbatah lel kamboh bad yannaw maki. 2#Isayas 52:1; 61:10; Waxye 3:12Amaa tinqiddise daafo uble, cusub Yerusaalem, ishi marcawwih bilcitteh tinqirribe cibna balih carsheeko Yallaako oobak uble. 3#Yexetsqeel 37:27; Leewiiti Sheekhino 26:11,12 Amaa nugus-kurseeko lel wac-yarhxe dhaw: “Taykinna, Yallih sigimi xiyawlih yekke. Usuk lel tenlih sigo kinni, usun lel kaa xiyaw yakkoona kinon. Yalli lel isheh ten Yalla balih tenlih yakko kinni. 4#Isayas 25:8; 35:10; 65:19Usuk lel umman dhiimo ten intitko asac-isho kinni. Tamaa aftim tillabtemhi sabbatah kamboh rabi hido xazan, hido weeca, hido waaxelti yannaw maki” arhxuk oobbe.

5Amaa nugus-kurselle defeyeh yineti lel: “Taykinna, umbukaahim ascussubiyuk ane” yerhxe. “Ta waani yaaminiinim kee rumma kinamhi sabbatah uktub” lel yok yerhxe. 6#Isayas 55:1Sarrah: “Abayshimte! Anu Alfa kee Oomeega, erhedhdho kee sarroorimto kiyo. Bakhaarite tiyah lel aniinat layehi raxeenaako amaa ginah akah axawo kiyo. 7#2 Saamiyeel 7:14; Zaabur 89:26-27Tamaa yamliketi ta miiraas yaallo kinni, anu lel kaa Yalla akko kiyo, usuk lel yi barha yakko kinni. 8Tamaa gilixlit, imaan hinam, batakna kinam, nabsi-wannun, uma-xibarlit, shirxe abtam, asnaamah tacbudem kee inkoh zirablit, ten gide lel gira kee kirbitih bolola igil kinni. Tayim lel malammit raba kinni” yok yerhxe.

Cusub Yerusaalem

9Sarrah amaa malxina malaykattooko inketti tamaa abayshimat malxina balaako yemmeege malxina shaxan yibbirheya: “Amaa cibna, amaa Leemahi numa ku ayballaw kiyok, amo!” yerhxeh yoolih waanishe. 10#Yexetsqeel 40:2 Ufayeh abeh lel dherh naba koomalle yi korisheh, amaa tinqiddise daafo kin Yerusaalem carsheeko Yallaako oobak yi yuybulluwe. 11Ishi Yallih nabne luuk tinemhi sabbatah lel tee ifi tamaa mango mila, jaspis balih, sulxun cadoo-dalluc balih kuuk yine. 12#Yexetsqeel 48:30-35Lamman kee taman carafiya le dherh naba qaana luuk tine, amaa carufudde lel lamman kee taman malaykattiya yinin. Amaa carufulle lel Israa-eel lamman kee taman kishotiyahi migoc alle yunkuttubeh yine. 13Ayrommaaxaako adooxa caraf, qilbaako adooxa caraf, junuubko adooxa caraf kee ayrodhdhumaako adooxa caraf luuk tine. 14Amaa daafohi qaana lel masarrat dhayitko lamman kee taman luuk tine. Amaa dhayit hi bukalle lel amaa Leemahi fartottit hi migoc alle yine.

15 # Yexetsqeel 40:3 Amaa yottaalih waanishe malaykatti lel amaa daafo kee tee caruf kee qaanun akah yaqhaaso dahabko siraaxime ilot masfar luuk yine. 16Amaa daafo affara murabbac kuuk tine, tee dhedhdhan kee masangale, xaafenta lel lem kuuk tine. Amaa iloh amaa daafo yeqheeseh lel lamma shiix kee lamma bool kee lamaatanna kiilometer takkem akko abe. Tee dhedhdhan, masangale kee xaafenta lel lem kuuk tine. 17Amaa tee qaana yeqheese gedda lel laxtam kee koon mitrotiya takkem yekke. 18#Isayas 54:11-12Amaa qaana jaspisko siraaximteh tine, amaa daafo laakin lilic-tarhxe bitro balih tsitstsayin dahabko siraaximteh tine. 19Amaa daafoh qaanahi masarrat lel umman caynahi milaako bilciteh yine. Erherhti jaspis, malammi saffiros, maddaxi khalkeedoon, mafarri esmarandos, 20makawwani sardonik, lix-yati sardiyon, malxin-yati khirusolitos, baxar-yati beerillos, sagal-yati tobaziyon, taman-yati khirosobrasos, inikan kee taman-yati yakintos, lamman kee taman-yati ametistos kuuk yine. 21Amaa affaran kee taman carafiya lel lamman kee taman luulko kuuk yine. Babbarhi caraf lel amaa luulko siraaximeh yine. Amaa daafoh shaaric lel lilic-tarhxe bitro balih sittiyadde dahab kuuk yine.

22Tee macbad lel Maddara kin Ummanim Dhiica Yalla kee amaa Leema kinamhi sabbatah, amaa daafolle macbad maballiyo. 23#Isayas 60:19-20Akah ifishsham Yallih nabne, tee faanus lel amaa Leema kinamhi sabbatah, amaa daafo akah ifishsha ayro hido alsi tee mifarhshiisha. 24#Isayas 60:3Tee ifoh umbuka wathun gerhoona kinon, baarhot nuguusa lel sinni nabne teyalle baahoona kinon. 25#Isayas 60:11Tee caruf itre caduruh alfiimo maki, amalle lel bar caduruh alle yannaw maki. 26Usun wathunti nabne kee xishma alle baahoona kinon. 27#Isayas 52:1; Yexetsqeel 44:9Tamaa amaa Leemahi aniinat kitaabadde migoc akko yunkuttubeh yane maraako bextih, xaraame kinam hido batakna kinam kee zirab inkinnah adde orobo maki.

Currently Selected:

Waxye 21: SCC

Highlight

Copy

Compare