Waxye 19

Carshelle xedenaanam

1Sarrah, mangum mango xiyawimih higgid wac-yarhxe dhaw oobbe:

“Halleluuyah!

Garger, nabne kee xayli ni Yallahim kinni,

2 # Gabbaacime Sercat 32:43; 2 Nuguusa 9:7 amayim lel kaa firdi rumma kee xaqqe kinamhi sabbatah;

naba sharmuutha lel yifrideh yane.

Ishe ishi uma-xibarah ta caalam masxishshemih,

ishi khaddamtehi biilohi xane lel akko yeyyeeceh yane” arhxuk zeeren.

3 # Isayas 34:10 Malammih lel:

“Halleluuyah!

Teeko lel umman gedda kee umman gedih tiki aganalle yawce” arhxuk zeeren.

4Naba maraako lamaatanna kee afar kee affara ufayletta kumeenih, nugus-kurselle defeyeh yine Yallah: “Amin. Halleluuyah” arhxuk yucbudin. 5#Zaabur 115:13Amaa nugus-kurseeko lel wuli dhaw:

“Ni Yallah xamde takkoo,

atin lel inkoh kaa khaddamtek,

kayya mashshiita marak,

cindha mara kee naba marak” arhxuk yewce.

Amaa Leemih naba marca

6 # Yexetsqeel 1:24; Zaabur 93:1; 97:1; 99:1 Sarrah, mangum mango xiyaw, mango laye hi goroxnan kee dhacuma anguduh higgid dhaw taginah zeerak oobbe:

“Halleluuyah!

Maddara kin ni Yalli

Ummanim Dhiicaya yingise.

7Xedenneh cafadneyaako

kayya naynaboo.

Amayim lel amaa Leemahi marca kab-terhxeh tanemhi sabbatah;

kaa cibna lel tinqirribeh tane;

8carha mece bafta, cado, qarce-le sara

saritto lel akah yoxoyin.”

Amayim lel carha mece bafta lel xaqqi abittot yinqiddise marahiya kinni.

9 # Maatiyos 22:2-3 Amaa malaykatti lel: “Tayim uktub: amaa Leemih marcahi dirarah akah deecimen mari barakä-lem kinon.” Yok yerhxe lel: “Tayim lel rummaahit Yallih waani kinni.” 10Sarrah kumeyaako akah ucbude, usuk laakin: “Tamayim abto kolle mitane! Anu kotta kee tamaa Yeesus shahaadalle tisbite ku sacullih zoobatto kin khaddaam kiyo. Atu Yallah ucbud” yok yerhxe. Amayim lel tamaa nobowat waanih ufaye kinam Yeesus shahaada kinamhi sabbatah kinni.

Cado farasak yadiye xiyawto

11 # Yexetsqeel 1:1; Zaabur 96:13; Isayas 11:4 Sarrah, carshi fakkitak uble, taykinna lel, cado faras! Amaa teyak defeyeh yaneti lel Umun kee Rumma akko yarhxin. Usuk xaqqeh yafrideh dhiba aba tiya kinni. 12#Daaniyeel 10:6Kaa intit girat bolah iggida, amok lel mango cindhadhdhaa erherharh le booraari luuk yine, kayya kibah walaa inketti aarhiginnixe migac lel luuk yine. 13Biiloh aructe sareena lel sariteh yane, akah kaa deeciman migac lel Yallih Waanitta kinni. 14Carshi maxaarhi lel tsitstsayin cado bafta carha meceya sariteenih, cado faarisik kaa kataak yinin. 15#Zaabur 2:9; Isayas 63:3; Yoo-eel 3:13; Waxye 14:20Kaa afko lel amaa wathun yaatuke lillig sef awcuk yine. Usuk lel birti iloh ten yagzaw kinni. Tamaa Ummanim Dhiica Yallih dhacuma kurahi cinab matsmaqhadde lel usuk adde yaacato kinni. 16Kaa sara kee kaa deeceralle lel: “Nuguusat Nugus kee maddaritti Maddara” yarhxe migac alle yunkuttubeh yane.

17 # Yexetsqeel 39:17-20 Sarrah wuli ayrolle daw-yerhxe malaykatto uble, caranalle firiirixitak yine kimbirik lel wac-yerhxeyaako: “Amowanta, Yallih naba maaddille tekettiinih, 18nuguusat xazo, caskar filcohi manabottit hi xazo, xayla le xiyawhi xazo, faaris kee faaris beytamhi xazo, umbuka xiyawhi xazo, finja-lit kee garuuza, amayim balih cindham kee nabamhi xazo beta” arhxuk yine. 19Amaa alluulatto kee baarhot nuguusa kee ten maxaarho amaa farasak yine tiya kee kaa maxaarhoolih yangaacoona yekettiinih uble. 20#Waxye 13:1-18Amaa alluulatti yindhibbirhe. Amaa kaa idhdhadde ishaarar abak tamaa alluulatti maxtam kabbaate mara kee kaa misleh yucbude mara doolabak yine zirabti nabii gantah kaalih yindhibbirhe. Ta lamma lel ufayelih anuk amaa kirbitih bololte girahi igilidde kaa ciden. 21Amaa raace mari lel tamaa farasak defeyeh yine tiyahi afko awcuk yine sefih raben, amaa kimbir lel inkoh xazooko xayten.

Currently Selected:

Waxye 19: SCC

Highlight

Copy

Compare