Popular Bible Verses from Waxye 19

Share

Xedenneh cafadneyaako kayya naynaboo. Amayim lel amaa Leemahi marca kab-terhxeh tanemhi sabbatah; kaa cibna lel tinqirribeh tane

Kaa sara kee kaa deeceralle lel: “Nuguusat Nugus kee maddaritti Maddara” yarhxe migac alle yunkuttubeh yane.

Sarrah, carshi fakkitak uble, taykinna lel, cado faras! Amaa teyak defeyeh yaneti lel Umun kee Rumma akko yarhxin. Usuk xaqqeh yafrideh dhiba aba tiya kinni.

Kaa intit girat bolah iggida, amok lel mango cindhadhdhaa erherharh le booraari luuk yine, kayya kibah walaa inketti aarhiginnixe migac lel luuk yine. Biiloh aructe sareena lel sariteh yane, akah kaa deeciman migac lel Yallih Waanitta kinni.

Kaa afko lel amaa wathun yaatuke lillig sef awcuk yine. Usuk lel birti iloh ten yagzaw kinni. Tamaa Ummanim Dhiica Yallih dhacuma kurahi cinab matsmaqhadde lel usuk adde yaacato kinni.

Amaa alluulatti yindhibbirhe. Amaa kaa idhdhadde ishaarar abak tamaa alluulatti maxtam kabbaate mara kee kaa misleh yucbude mara doolabak yine zirabti nabii gantah kaalih yindhibbirhe. Ta lamma lel ufayelih anuk amaa kirbitih bololte girahi igilidde kaa ciden.