Cibraan 9

Quddus kin baarhot makaano

1Kado, tamaa afti cahdi gantah cibaadat dhinto kee baarholle quddus kin makaano luuk yine. 2Yallahi reedi lel yimtikkileh yine. Ta Yallahi reedooko afti goli: #Muuca 26:1-30; 25:31-40“Quddus kin makaano” akko yarhxinyadde faanus cara, thawla kee yisiddiqhin folo adde geytimak tine. 3Malammit golohi caazadde lel: #Muuca 26:31-33“Ummanimko quddus kin makaano” akko yarhxin cara tine. 4#Muuca 30:1-6; 25:10-16; 16:3; Cadad 17:8-10; Muuca 25:16; Gabbaacime Sercat 10:3-5Tee addadde lel dahabah agoogite mazbax caydarruus adde ceerishanya kee umman gabooko dahabah agoogite Cahdi Sanduq yine. Ta cahdi sanduq hi addadde lel manna#9:4 manna Yohannis 6:31 ubul. tibbirhe citro, Haaruun ilo silteya kee dhayitti luuxa cahdiya tine. 5#Muuca 25:18-22Amaa sanduq bukalle lel cafuukat cara silaalisha nabnet kerubiim yinin. Kado tayimhi addoodimidde waanishno mirhicna.

6 # Cadad 18:2-6 Ta anqaraarab yekkek sarrah, sinni cibaada aboona sheekha abbirheeko tamaa afti golodde oroban. 7#Leewiiti Sheekhino 16:2-34Malammit golodde laakin, naba shekh iggidaako inki gedda oroba; ishe kee tamaa xiyaw akkalekkah aban zambeh yaxaye biilo beyekkah mooroba. 8Tamaa Yallih afti reedi yanem fanah, Quddus kin Ufayi tamaa ummanimko quddus kin makaanolle akko tillaaban arax fakkiteh miyanem yaybulluwe. 9Tayim lel kaafit waqhtedde gantah misaal kinni. Ta araxah amxawuk yine muttuxuwaw kee sadaqhaq lel tamaa yacbude marahi niyak naqhuse hin tiya akko abo mirhiica. 10Tayim laakin tamaa ambaddalti waqhti yamiitem fanah aban macaba kee betto, barhsimte cakalso kee nabsi dhinto tablem bisa kinni.

Muuca Masiix biilohi araxah

11Laakin kado Masiix tamaa tamaatole mecemhi naba shekh yekkeh yemeeteh yane. Tamaa naba tenda walaa inki naqhuse hinya gabah siraaximinnixe, ta makhaaliqhooko lel akkinnixeyahi araxah, 12amaa ummanimko quddus kin makaanodde umman tiyah inki geddalle orobe. Tayim laakin dabel kee rugaaget biilohi araxah akkekkah, ishi biiloh umman geedit muuca xiyaa geyshishe. 13#Leewiiti Sheekhino 16:15-16; Cadad 19:9,17-19Dabel kee awurat biili, amayim balih xararishen aaboleh mombots alle yinisnisiinimko, tamaa masxite marahi nabse yaqhiddiseh yekkemko, 14Masiix biili isheh abar hinnim tamaa umman geedit Ufayehi araxah Yallah yomxoyeh yaneya, tamaa yane Yallah nacbado, rabi katayishsha ciyyooko ni niya amayimko mangum aysiffiye le?

15Amaydo, usuk ta cusub cahdih fanti tiya kinni. Tamaa deeco akah tekke mari, tamaa wacde akah sayen umman geedit miiraas kabbaatoona ciloh, tamaa afti cahdehi geridde anuk aben zambeeko ten gargerta rabi tekkeh tane. 16Rabekkah aben farto tinniyemko, tamaa fareti rabeh yanem tamadhdhago alle tane. 17Rabekkah aben farto rabik sarrah kinni abittodde assam. Rabekkah farriimeti wafaalih yanem fanah lel walaa inki nafaaca male. 18Amaydo, tamaa afti cahdi gantah biilo hinnim abittodde maasinna. 19Sercat amri inkoh Moosat araxah umbuka xiyawalle warroye gedda, rugaage kee dabelti biilo, laye adde yesgelleh, ciidot casa dagar kee muxumwaaxet citreh abeh amaa kitaab kee xiyawalle inkoh alle rife. 20“Tayim Yalli kataytoona sinah yeemere cahdi biilo kinni” lel yerhxe. 21#Leewiiti Sheekhino 8:15Amayim balih lel amaa Yallahi reedo kee inkoh cibaadah yatneefecin nuwaalle biilo alle yinisnise. 22#Leewiiti Sheekhino 17:11Rummah lel, sercat geridde ummanim biiloh kinni yansiffiyem, biilo xarhekkah lel zambi xabbot miyane.

23Amaydo, carshelle tanemhi misle kinam ta sadaqhah tamsaffawo fadhdhishimtam kuuk tine, carshelle tanem laakin isheh tashshe sadaqhah ishe taysiffiye. 24Masiix kado ni idhdhadde Yallih nifille yamballaw ciloh, tamaa carshedde orobenkah, amaa rummaahiitimhi xibar kin quddus kin makaanon gabah siraaximeyadde moorobinna. 25Tamaa naba shekh iggida-iggidah ishim akkinnixe biiloolih ummanimko quddus kin makaanodde akah orobaakah, gabbabbaaceh ishe yaxaw moorobinna. 26Amayim yakkeedo, ta caalam dhishshimtemko taahe gabbabbaaceh waaxelsiitak anniye dhaarhe. Kado laakin, zambe kalo ciloh inki geddalle umman gedih, ishe yisiddiqheyaako, zaban abayshimadde yumbulluwe. 27Xiyawti inki geddalle rabo yimfirrideh yane, firdi lel sarrah kataa tiya kinni. 28#Isayas 53:12Amayim balih, mango marahi zambe yaaqhaco ciloh, inki gedda sadaqha yekke Masiix lel, zambi zan abo akkekkah, tamaa hambereeroolih kaa ilaala mara gargeero malammit gedda yamballawo kinni.

Currently Selected:

Cibraan 9: SCC

Highlight

Copy

Compare