Cibraan 8
8
Yeesus, yashshe cahdih Naba Shekh
1 #
Zaabur 110:1
Kado tamaa narhxo farhne gondo tatiyä kinni: nanu tamaa carshelle yane naba nabneh nugus-kursehi mizgi gabooko defeyeh yane naba shekh lino. 2Usuk tamaa xiyaw akkekkah Maddari yitkile quddus kin makaano rummaahit Yallahi reedohi khaddaam kinni. 3Akkinnan naba shekh inkoh muttuxuwa kee sadaqha yaxaw kaalle tinemhi sabbatah, ta naba shekh yakkeedo yaxayem yaallem fadhdhishimta. 4Kado usuk ta baarholle yanniyeedo, tamaa sercat araxah muttuxuwa yaxaye sheekha yaniinimhi sabbatah, usuk shekh akke mirhaarhinna. 5Usun tamaa carshelle tanemhi misle kee silal yakhdume mara kinon. Amaymih kinni Moosa Yallahi reedo yatkalo kab-yerhxe gedda Yalli: #Muuca 25:40“Ummanim tamaa koomalle akah koh yumbulluweekahi xibarah akah abtaakah ab” arhxuk akah yesxessem. 6Kado laakin, Masiix tamaa kalxit khidmaako meceetih tashshe tiya geyeh yane. Amayim lel yashshe wacdelle dhishshimte tiya kinamhi sabbatah usuk fantattoysha afti cahdi yashshe tiya kinamhi sabbatah kinni. 7Ta cahdi gadma hin tiya kuuk yineh yakkeedo, malamma akah wagiyan takale anniye mirhaarhinna.
8Usuk tenadde gadma adde geyeyaako tahe akko yarhxe:
#
Ermiyaas 31:31-34
“Taykinna, Israa-eel care kee
Yahuudaati careelih cusub cahde adde saya
maaxi amiituk yane, yarhxe Maddari,
9tamaa gabadde ten ibbirheyaako Masriiti baarhooko ten eyyeece max
ten abbublih abe cahde balih laakin maki.
Amayim lel, usun yi cahdelle masbatinnoonimhi sabbatah,
anu lel macal adde maabitinniyo, yarhxe Maddari.
10Ta cahdi Israa-eel careelih abo liyo tiya kinamhi sabbatah,
amaa maxak sarrah, yarhxe Maddari:
Inni sercat ten xangaladde hayo kiyo,
ten afcaadodde lel aktabo kiyo,
anu lel ten Yalla akko kiyo,
usun lel yi xiyaw yakkoona kinon.
11Cindha tiyaako naba tiya fanah
inkoh yi yaarhagoona kinoonimhi sabbatah,
‘Yalla irhig’ arhxuk zoobatti zoobatto,
sacal lel ishi sacal yaydaraso maki.
12Ten uma ciyyoh alle raxmato kiyo,
ten zambe lel tayek sarrah azzakkaro makiyo.”
13Ta cusub cahdehi zacabah waanisha gedda, tamaa afti tiyak raace tiya akko aba. Raace tiya kee baarroweti lel yalaw gaba dhaye.
Currently Selected:
Cibraan 8: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
