Cibraan 3

Yeesus Moosaako naba

1Amaydo, tamaa carsheeko deeco yangale yinqiddise yi saculo, nanu fartotta kee naba shekh kinamah akah naamine Yeesus meceetih ubula. 2#Cadad 12:7 Tamaa Moosa umbuka Yallih caredde umun akah kuuk yineekah, Yeesus tamaa kaa ciyyo abo kaa dhirhiye Yallah umun kuuk yine. 3Tamaa careeko isheh amaa care siraaxeti mango xishma akah leyaaka balih, Yeesus Moosat nabneeko naba nabne akah eedda. 4Amayim lel umman care siraaxati xiyawto kinni, ummannim siraxtam laakin Yalla kinamhi sabbatah kinni. 5Moosa lel tamaa sarrah adde waanishoona loonimih shaahid yakko ciloh, umbuka Yallih caredde umun kin khaddaam kuuk yine. 6Masiix laakin barha balih Yallih carehi bukalle umun kinni. Tamaa ninni fidbe kee ninni faloolih, ninni cagalle qath-nerhxemko, nanu kaa care kino.

Macrafa Yallih xiyawah

7Amaydo, Quddus kin Ufayi taginah yarhxe:

# Zaabur 95:7-11 “Kaafa kaa dhaw toobbiinimko,

8tamaa cakanat lellec zibolle kaa diddeh akah ugutteeniikah

sinni afcaado maytararina.

9Amalle sin abbub cakanadde yi saysheenih

marootom iggidiya lel yi abittot yublin.

10Amaymih, tamaa ijolle alle kurrayeyaako:

‘Usun umman gedda sinni afcaadooko mirix yok yarhxin;

yi arux yeerhegiinih miyaniini.’

11Inni kuradde dhiiwiteh lel:

‘Yi macrafadde caduruh oroboona makinooni.’”

12Yi saculo, sinadde umati aamininnixe afcaado leyaya, tamaa yane Yallaako mirix sin ishaya yanniyek, selitanta. 13“Kaafa” yarhxiinih akah deeciman lellec yanem fanah, zambi doolabah sinko walaa inketti afcaado tatrirek, maaxi yamaato sittiya aydumusanta. 14Tamaa erhedhdhot ninni imaan abayshima fanah qath-ishnemko, Masiixlih nengeleh nane. 15Tayim lel tamaa:

# Zaabur 95:7-8 “Kaafa kaa dhaw toobbiinimko,

tamaa tam-azzazoona adde xinten max balih sinni afcaado maytararina” akah yerhxeekah kinni.

16 # Cadad 14:1-35 Tamaa yoobbin hanuk yam-azzazo xine mari miya kuuk yiniini? Inkoh tamaa Moosa Masriiko santisheh yeyyeece mara makini kinoonim? 17Usuk marootom iggidiya aalih kurraye mara makini kinoonim? Tamaa zambe abeenih rashshit zibolle akko raace mara makini kinoonim? 18Kaa macrafadde sayaanamko alle dhiiwiteh, kaa yaabbo xine mara makini kinoonim? 19Amaydo, usun tamaa sinni imaan waytohi sabbatah oroboona mirhiicinnoonim abluk nane.

Currently Selected:

Cibraan 3: SCC

Highlight

Copy

Compare