Cibraan 4

1Amaydo, kaa macrafadde orobaanamhi wacdi anuk, sinko walaa inketti amakke gufekkah raacamko mashshinnoo. 2Mece wari tenalle akah warroyekah kinni nolle warroyem, laakin tamaa yoobbe maraalih imaanah tiya kuuk miyiniinimhi sabbatah, tamaa yoobbin farto ten mamfacinna. 3Yalli:

# Zaabur 95:11 “Tamaa inni kuradde akah dhiiwiteekah,

yi macrafadde caduruh oroboona makinooni” akah yerhxeh yaneekah,

tamaa yeemene marak notta kinni amaa macrafadde orobto lem. Yakko kibah kaa ciyyo tamaa caalam dhishshimte maxko abayshimte hanuk kinni.

4Tamaa malxin-ya maxhi zacabah wulidde: #Erhedhdhö 2:2“Yalli umbuka ishi ciyyooko malxin-ya lellec yucrufe” yerhxeh taginah waanisheh yane. 5Malammih lel ta faqharadde:

# Zaabur 95:11 “Usun yi macrafadde caduruh oroboona makinooni” yerhxeh yane.

6Amaydo, ta macrafadde oroba mari yinniinik sarrah, tamaa afadde mece ware kabbaate mari lel yaabboona xineenimhi sabbatah orobe wayenik sarrah, 7Yalli malammih wuli lellec yixiggireyaako “Kaafa” yerhxeh dherh waqhtek sarrah Dawud araxah tamaa awwalko xussumte waanih:

# Zaabur 95:7-8 “Kaafa kaa dhaw toobbiinimko,

sinni afcaado maytararina” yerhxeh yine.

8 # Gabbaacime Sercat 31:7; Yehooshuca 22:4 Yehooshuca ten yuscurefeh yakkeedo, sarrah aki lellec hi zacabah Yalli waanisheh anniye mirhaarho. 9Amaymih, aki Sambat Yallih xiyawah curfen max yakkeya yane. 10#Erhedhdhö 2:2Yallih macrafadde orobeh anniinnanti lel tamaa Yalli akah abeekah ciyyooko yucrufeh yane.

11Amaydo, walaa inketti tamaa yaabbo xine marahi misaal katayeh radamko, ta macrafadde akah orobnaakah xawalnoo. 12Yallih waanitta tane tiya kee makko le tiyä kinni; rooxe kee ufaye, mayrhabbashit kee dhux barhishshah curmusa lamma af-le sefko lel lilliga. Afcaadodde yane xisaab kee farhi lel tamirmire. 13Kaa intille lel ummanim casno kee tambulluwem kibah, kaako sucuta makhluuqhti miyane, inkoh lel kayyah kinni esserimnam.

Yeesus nabamko naba shekh

14Amaydo, carshelle kore nabamko naba shekh kin Yeesus, Yallih Barha linomhi sabbatah, ninni shahaadalle qath-narhxoo. 15Ni rukta yubleh nolle yassaxakko waya shekh maki linomki, notta balih ummanimih cakana alle tekke hanuk, zambe abe waye tiya kinni. 16Amaydo, xati adde ni farhshiisha waqhtedde, raxma kabbatno kee nicma geyno ciloh, fidbeelih tamaa nicma-le nugus-kurselle kab-narhxoo.

Currently Selected:

Cibraan 4: SCC

Highlight

Copy

Compare