Cibraan 12

Ni imaan dhisheena kee abaysheeni Yeesus kinni

1Amaydo, nanu gantah tayidhdha takke shohodah darur balih makarimneh nanemhi sabbatah, inkoh tamaa nolle cilisham kee ni yabbirhe zambe mirix-ishnoo. Tamaa ni nifidde yane ammakaakamah lel curtayyoolih nardoo. 2Ni imaanhi dhisheena kee abaysheena kin Yeesusudde kulux-narhxoo. Usuk xooladde macalah rabekkah, tamaa nifidde akko yine xedenih arhxuk masqalak rabaanam cure. Nugus kuselle lel Yallahi mizgaako defeyeh yane.

Niya micidina

3Tantaanamko hido niya ciddaanamko ciloh, tamaa zambi-wannunhi nacabo cure tiya macalsita. 4Zambeelih andufulitin, sinni biilo adde xadhdhaanamhi daraja kaddih gufteenih mitaniini. 5Tamaa dhaylo balih taginah sinah aben asuuso biyashshitteeniho?

# Ayyuub 5:17; Missilit 3:11-12 “Ko yi barhaw, Maddari digaala miilaacin,

ku yiqhtsicemko lel niya micidin.

6Amayim lel, Maddari digaalam kixin mara kinni,

barhah kabbaatinnan tiya lel yaskoolofe.”

7Yalli ishi dhaylo balih kinni sin yablemki, kaa digaala curtoona sinalle tane. Abba digaalinnixe barhah miyatti yane? 8Tamaa umbuka dhaylo balih, adabe abbirhe wayteenimko laakin, xaraami dhaylo kitiininkah, xalaali dhaylo makitiini. 9Tayimhi osah lel, tamaa ni dhalte abbub adabe ni yayrhibirhin, nanu lel ten xishmatna. Nanu amayimko ziyaadah tamaa ufayitti Abbah ningizziyeyaako marno nolle mitane? 10Tamaa tenadde teshsheh akah tumbulluweekah dago geddah ni digaalen usuk laakin kaa anqaddas aalih nangalo ciloh, ni mecaanih kinni ni digaalem. 11Xiyaa digaalaanam inkoh dago geddah waaxelishshankah mixedenishsha, sarrah laakin amayim labcaade marah salaam le xaqqi daro akah bahta.

12 # Isayas 35:3 Amaydo, taane sinni gabub kee qathqath-tarhxe sinni guluuba izgiriranta, 13#Missilit 4:26tamaa xankish uro kibah meceetih mulute wayo ciloh, sinni iboobih rig-yarhxe arux akah abanta. 14Anqaddas hinnim Maddara yablo dhiica tiyah walaa inketti miyanemhi sabbatah, umman tiyaalih salaamadde akah martaanaakah xawalanta. 15#Gabbaacime Sercat 29:18Yallih nicmaako walaa inketti raacak, cuuret rimid yubquleyaako sin waqhaaqhacishak, mango mara lel yaynijisek selitanta. 16#Erhedhdhö 25:29-34Walaa inki uma-xibarli, hido lel tamaa inki gedda beeto ciloh ishi riishinnat xaqqe yeebexe Ceesaw balih, Yallih mashshi hinti sinadde yanniyek selitanta. 17#Erhedhdhö 27:30-40Usuk amaa barakä sarrah yawrasho farhe hanuk, akah mamxayinna, weecak wagiye hanuk, toobah yakke caashir migeyinnam taarhigin.

Tisbite nigsinna

18 # Muuca 19:16-22; 20:18-21; Gabbaacime Sercat 4:11-12; 5:22-27 Atin tamaa gabah dhaggitta kooma, bololta gira, dat dummaahe dhacuma xaaxattalle maamaatitiini. 19Amayim balih, tamaa yoobbe mari amaa geddaako sarrah ta gina le waanisha dhaw yaabbiinimko adde dhaacimen thurumbat dhaw alle yekkelle maamaatitiini. 20Amayim lel: “#Muuca 19:12-13Alluulatti amaa kooma dhagemko gantah, dhayitih igdifanta” yarhxe amre curoona mirhiicinnoonimhi sabbatah kinni. 21#Gabbaacime Sercat 9:19Rummah lel amaa mablo mangum xiyaa mashshishsha tiyä kuuk tineyaako, Moosa: “Gilixih arharhak aniyo” yerhxe. 22Atin laakin, Tsiyoon kooma kee yane Yallahi daafo kin carshi Yerusaalem kee tamaa xedenih yekette mangah qiyaas hin malaykut, 23kee tamaa carshelle migoc akko yunkuttubeh yane riish kin marahi akottalle, amayim balih umman marahi daaniya kin Yalla kee tamaa naqhuse hin mara akko abeh yane xaqqi-waanunti ufayit, 24#Erhedhdhö 4:10kee cusub cahdehi fanti tiya kin Yeesus kee tamaa Abeel biilooko ziyaada meceetih waanisha yimnisnise biilolle kinni temeetiinih taniinim.

25 # Muuca 20:22 Tamaa sinlih waanishak yane tiya taabboona xintaanak selita. Amayim lel, tamaa baarholle ten asuuseyaako kaa yaabboona xine mari assaace wayeenik sarrah, carsheeko noolih waanisha tiya naabbo xinnemko, nanu kaako nassaaco dhicno makino. 26Amaa geddadde kaa dhaw baarho yiniqhniqhe, kado laakin: #Xaggay 2:6“Baarho bisa akkekkah, caran gantah malammih gabbaaceh anaqhnaqho kiyo” yerhxeh wacde sayeh yane. 27Ta: “Malammih gabbaaceh” tarhxe waani lel amneqheeneqhinnixem marto ciloh, tamaa tamneqheeneqhem, amayim lel siraaximtem, tillabtam kinam taybulluwe. 28#Gabbaacime Sercat 4:24Amaydo, amneqheeneqhinnixe nigsinna kabbatno kinomhi sabbatah xamdishinneyaako, xishma kee mashshiilih Yallah kabbaatimta cibaada abno. 29Amayim lel ni Yalli xiyaa bakta gira kinamhi sabbatah kinni.

Currently Selected:

Cibraan 12: SCC

Highlight

Copy

Compare