Galaatiya 5
5
Masiix finja-le mara nok abeh yane
1Finja le mara nakko, Masiix finja-le mara nok abe. Amaydo, malammih garuuzinnat arcotudde misaynantaaki isbita!
2Oobbaanta: Anu Bawlos sinah warishak aniyo, askok kalum kabbatteenimko, Masiix walaa inkim sin yamfaco maki. 3Askok-kalum kabbaatinnanti lel, amaa sercat kaamilik dhawrho yanqissibem gaxisheh ashhidiyuk ane. 4Sercatah yatxaqqaqho farha marak, Masiixko barhsimteenih tanin; Yallih nicmaako lel terheerhiinih tanin. 5Nanu laakin ninneh, Ufaye araxah, tamaa atxaqqaqhti caghi imaanah hambereeroolih ilaalak nane. 6Masiix kin Yeesusudde lel kaxani araxah yakhdume imaan bisa kibah, askok-kalum abaanam yakko askok-kalum abe wayaanam walaa inkimidde miloyyimta.
7Atin meceetih arduk tinin. Rumma taabbiinimko sin dessem miya kinni? 8Ta gina le ashshaman tamaa sinah deecima kaako maki. 9#1 Korintos 5:6“Dago ayci cagun kaamilik kinni mulxusam.” 10Tayimko barhsimte mablo taalloona makitiinimih Maddaradde imaan liyo. Sin gobbishak yaneti lel, farhe tiya yekkeh, yanqatstsaco kinni. 11Laakin, yi saculo, anu kaddih askok-kalum zacabah warroyshak anniyeedo, aymih kaddik haddaanimak aniyo? Amayim takkeedo, tamaa masqal andafo ticrhiyeh anniye dhadhdhe. 12Tamaa sin gobbisha mari inkinnah sinne xaragaanam farhe dhaarhe!
13Yi saculo, atin finja-le mara takkoona kinni sinah deecimeenim. Sinni finja xazottat caashirih matnaafacinantaaki, kaxani araxah sittiya ukhduma. 14#Leewiiti Sheekhino 19:18Amayim lel umbuka sercat: “Ishi zoobatto ishe balih ikxin” tarhxe inki waanittadde yikmileh yanemhi sabbatah kinni. 15Sinne-sinneh sittiyadde arak sittiya bodayteenih, sittiya baktanki selita.
Ufayi daribille kataanta
16Anu laakin, “Ufayeh gerhanta, xazottat farhi lel abtoona makitiini” sinak arhxe. 17#Rooma 7:15-23Xazottat farhi Ufayi farhih didde kinni, Ufayi farhi lel xazottat farhiilih didde kinni. Tayim sittiyahi didde kinon. Amaydo, tamaa fadhdhaanam abtoona mirhictaana. 18Atin Ufayeh timmirrixiinimko laakin, sercat geridde mitaniini. 19Kado, xazottat ciyyo tumbulluwem kinni. Amayim lel: uma-xibar, bacaalagino, kushma, 20asnaamah yacbudiinim, shirxe, nacabo, ankaaxad, ashshiino, kura, xarasa, sitta-waa, babbarhishnan, 21qina, sakar, cibdaan kee amah iggidam kinni. Tamaa ookomeh akah sin asuuseekah, ta gina lem aba mari Yallih nigsinna yawrashoona makinoonim kado gantah sin asuusak aniyo. 22Laakin Ufayi daro kaxano, xeden, salaam, sabre, xiyaawinna, mecaani, amaana, 23mece-mariino, sinne-yabbirhiinim kinni. Tayimhi didde kin sercat lel miyane. 24Tamaa Masiix kin Yeesus mari lel, tamaa xazotta tee farhi kee duumeelih masqalak takareenih yanin.
25Ufayeh marnah yekkemko, gantah Ufayi daribille kataynoo. 26Ninne-ninneh sittiya kurrayishak, sittiyaalih ashshiinak, amaa ginah falite waynoo.
Currently Selected:
Galaatiya 5: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
