Popular Bible Verses from Galaatiya 5

Share

Laakin Ufayi daro kaxano, xeden, salaam, sabre, xiyaawinna, mecaani, amaana, mece-mariino, sinne-yabbirhiinim kinni. Tayimhi didde kin sercat lel miyane.

Anu laakin, “Ufayeh gerhanta, xazottat farhi lel abtoona makitiini” sinak arhxe.

Ufayeh marnah yekkemko, gantah Ufayi daribille kataynoo.

Tamaa Masiix kin Yeesus mari lel, tamaa xazotta tee farhi kee duumeelih masqalak takareenih yanin.

Kado, xazottat ciyyo tumbulluwem kinni. Amayim lel: uma-xibar, bacaalagino, kushma, asnaamah yacbudiinim, shirxe, nacabo, ankaaxad, ashshiino, kura, xarasa, sitta-waa, babbarhishnan, qina, sakar, cibdaan kee amah iggidam kinni. Tamaa ookomeh akah sin asuuseekah, ta gina lem aba mari Yallih nigsinna yawrashoona makinoonim kado gantah sin asuusak aniyo.

Yi saculo, atin finja-le mara takkoona kinni sinah deecimeenim. Sinni finja xazottat caashirih matnaafacinantaaki, kaxani araxah sittiya ukhduma.

Xazottat farhi Ufayi farhih didde kinni, Ufayi farhi lel xazottat farhiilih didde kinni. Tayim sittiyahi didde kinon. Amaydo, tamaa fadhdhaanam abtoona mirhictaana.

Amayim lel umbuka sercat: “Ishi zoobatto ishe balih ikxin” tarhxe inki waanittadde yikmileh yanemhi sabbatah kinni.

Ninne-ninneh sittiya kurrayishak, sittiyaalih ashshiinak, amaa ginah falite waynoo.

Finja le mara nakko, Masiix finja-le mara nok abe. Amaydo, malammih garuuzinnat arcotudde misaynantaaki isbita!